martedì 7 luglio 2015

NÒSTRO POIN O MEISTRÂ di Alessandro Guasoni


E öe che ne lìmman o cheu
son fæte de scciumma de mâ,
co-i sproin che pan squæxi imbriægâ
o scöso do cäo portixeu.

Beneito quest'àspeo salin
ch'o l'arrensenisce ògni forma,
ch'o scava, ch'o scrive a seu orma
e o lascia o spettî de 'n lummin

in fondo à ògni seunno e inluxon,
in fondo à ògni neutte d'inverno,
a-e scäe ch'an nomme d'eterno,
ò in sce 'n solitäio barcon.

Noiätri, arëlæ in scî nòstri anni,
sentimmo, inte l'öa de sarpâ,
ciammâ nòstro poin o meistrâ,
e creua tutt'assemme i inganni.

Ciù ninte çe poemmo aspëtâ
e, zà consummæ da l'atteisa,
e veie mettemmo à l'impreisa
pe donde o destin o vorrià.



Alessandro Guasoni  -  Dialetto di Genova
da "L'ätra Zena"



NOSTRO PADRINO IL MAESTRALE

 Le ore che ci limano il cuore 
 son fatte di spuma marina 
 i cui spruzzi sembrano quasi ubriacare 
 il grembo del caro porticciolo.

Benedetto quest'aspro salino 
che raggrinzisce ogni forma 
che scava e scrive la sua orma 
e lascia lo sfrigolìo d'un lumino

in fondo a ogni sogno e illusione, 
in fondo a ogni notte d'inverno, 
alle scale che hanno nome d'eterno 
o su di una solitaria finestra.

Noi, rannicchiati sui nostri anni, 
udiamo, all'ora di salpare, 
che il nostro padrino, il maestrale, 
ci chiama, e cadono di colpo gli inganni.

Più nulla possiamo attenderci 
e, già consumati dall'attesa,
mettiamo le vele per l'impresa 
per dove il destino vorrà...  

Nessun commento: