Antonio Rubino (1880 - 1964)
Tanti i l’han vistu cun öij
cumpetenti,
da artista, care u l’eira u
Cavajeru.
Pe’ mi, garsuna, u l’eira
agaribau,
grasiuusu, u faturiisu
sempre pruntu.
U se arampinava sciü pe’ a mürateira
in e Tasciaire, duve u aixeva a cà,
lasciü in sce a punta,
in postu ünicu pe’ a vista e pe’ ben sta,
che certu u gh’averà ispirau
ciü d’in depentu o d’ina puesia.
Cu’ a pajeta in sce a testa,
u muntava cianin, apugiau au bastun.
De spessu u se fermava a fissà in puntu,
forsci pijau da caiche bizaria,
u burbutava fra elu ina puesia.
Me maire certe vote a ghe mustrava
in me cadretu, in spegassetu:
“Sciù Cavajeru, couse i ne dì
de sti dui scaraboci … ?”
“A man a l’è bona e ascì l’ispirasiun!
A deve cuntinuà, a po’ fa meju!”
Me maire, ben cuntenta, a u ringrassiava
e elu, levanduse a pajeta, u a salüava;
pöi u repijava a so muntà.
Costanza Modena – Dialetto di Sanremo
RICORDO DI ANTONIO RUBINO
Tanti l’hanno visto con occhi competenti,
da artista, quale il Cavaliere (Antonio
Rubino).
Per me, ragazzina, era gentile,
educato, il sorriso sempre pronto.
Si arrampicava su per la mulattiera
a Tasciaire, dove aveva la casa,
lassù in cima,
un posto unico, per vista e tranquillità,
che certamente gli avrà ispirato
più di un quadro o di una poesia.
Con la paglietta in capo,
saliva piano, appoggiato al bastone.
Spesso si fermava a guardare un punto,
forse preso da qualche idea bizzarra,
borbottando fra sé una poesia.
Mia madre, certe volte, gli mostrava
un mio quadretto, un mio disegno:
“Cavaliere, cosa ne dice
di questi due scarabocchi?”
“La mano è buona e anche l’ispirazione!
Deve continuare, può fare meglio!”
Mia madre, ben contenta, lo ringraziava
e lui, togliendosi il cappello, la salutava;
poi riprendeva la sua salita.
