INA SEIRA D'INVERNU di Flavio Maccario

Ina sèira d'invernu, in t'in fundu gerau

a beve u Russese nesciün ne g'a mandau

in te su carugiu cübu che ti rischi d'ingalotate

survatüttu dopu, candu l'è ura d'arecampate.

Semu catru amighi, inturnu a stu descu,

due pumate seche è in po' de pan frescu

cume ai vegli tèmpi, tèmpi di nostri pàiri

candu de divertimènti i nu n'avia gàiri.

In te stu mundu, dunde tüti i camina

ti sènti propriu u besögnu da paixe d'ina cantina

ina paixe che a te pösce fa pensà

che a in cèrtu mumèntu ti te deverai fermà.

A te pa' ina mussa, ma l'é propriu cuscì

cun in gotu in ciü ti arèsci a capì

che a l'è ina maroutia chelu de vuré fa tütu tì.

Flavio Maccario - Dialetto di Soldano

UNA SERA D'INVERNO

In una cantina fredda

a bere il Rossese nessuno ci ha mandato

in questo vicolo buio dove rischi d'inciamparti

soprattutto dopo, quando è ora di tornare a casa.

Siamo quattro amici, attorno a questo tavolo,

due pomodori secchi e un po' di pane fresco

come ai vecchi tempi, tempi dei nostri padri

quando non avevano molti divertimenti.

In questo mondo, dove tutti camminano

senti proprio il bisogno della pace di una cantina

una pace che possa farti pensare

che a un certo momento dovrai fermati.

Ti sembra una frottola, ma é proprio così

con un bicchiere in più riesci a capire

che è una malattia voler fare tutto tu.

NÖTE IN GIANCU di Aldo Bottini

U gh’è de nöte mai longhe che l’idea

che u giurnu u nu vöje ciü vegnì

a me mete in asciamu, ina segréa

ch’a giru, a régiru sensa durmì

e imbutiu d’arastre u me pa’ u letu.

U veju relöriu a sentu ciucà:

u me pica int’a testa, a nu chietu;

tüti i agni vivüi a vegu passà

e e agnime care ch’i nu ghe sun ciü.

A me metu a pregà… In bufurun

u bugia e föje da tompia, lagiü,

e tostu in s-ciairù u vèn dau barcun

a purtà a lüüxe d’in autru duman…

a ciüu i öji e u me pia u baciücun.

Aldo Bottini – Dialetto di Sanremo

NOTTI IN BIANCO

Ci sono notti tanto lunghe che l’idea

che il giorno non voglia più venire

mi mette un’agitazione, un malessere

che giro, rigiro senza dormire

e il letto mi pare imbottito di sterpi spinosi.

Il vecchio orologio sento rintoccare:

mi batte in testa, non cheto;

tutti gli anni vissuti vedo passare

e le anime care che non ci sono più.

Mi metto a pregare… Un colpo di vento

muove le foglie della pergola, laggiù,

e presto un chiarore viene dalla finestra

a portare la luce di un altro domani…

chiudo gli occhi e mi prende il torpore.

MUNÉE di Mario Saredi

Nu gh’è munéa

ch’a pàghe

u varù d’a vita.

Cànde a l’è fenìa,

nesciüna màn,

u rèstu a te dà.

Munée,

lòche varèi,

nesciün u lu sa.

Vita,

nu invecià,

aresta cùme ti sèi,

maiscì bèla.

Mario Saredi  - Dialetto di Camporosso

MONETE

Non c’è moneta

che paghi

il valore della vita.

Quando è finita,

nessuna mano,

il resto ti da.

Monete,

quanto valete,

nessuno lo sa.

Vita,

non invecchiare,

rimani come sei,

bella assai.

IN PO’ CUSCÌ di Mario Saredi

Me sèntu in po’ cuscì,

ne me ne crèsce,

ne me ne mànca,

se purerìa dì’

ch’a và bèn

ma bèn a nu và.

A sbùira denài ä cà,

in cà,

a nu me làscia intrà.

Bruétta sènsa röe,

pàra sènsa mànegu.

Cue màe nüe,

ina vìta me ghe và

e se a làsciu stà,

éla, a nu pö ciü

vegnìme a truvà.

E a và mà.

Sènsa éla,

sènsa bàixi,

sènsa amù,

l’è pe’ lò 

che me sèntu

in po’ cuscì.

Mario Saredi – Dialetto di Camporosso

STRANAMENTE

Mi sento un po’ strano,

nulla mi avanza,

nulla mi manca,

si  potrebbe  dire

che va bene

ma  bene non  va.

La frana davanti casa,

in casa,

non mi lascia entrare.

Carriola senza ruote,

badile senza manico.

A mani nude,

una vita ci vorrebbe

e se ci lascio cosi,

lei non può  più,

 venire da me.

E va molto male.

Senza  lei,

senza baci,

senza amore,

e d è per questo

che mi sento

un poco strano.

FOSFORESCENZE di Edoardo Firpo

Chi se-ä porriâ scordâ

Giovanni, quella seja

che in sce-â rivea lontann-a

stavimo a spiâ e fosforescenze?

Luminose simense

rigavan a lamma de l’onda

comme di astri in cammin…

Edoardo Firpo – Dialetto di Genova

FOSFORESCENZE

Chi potrà scordare

Giovanni, quella sera

quando sulla riviera lontana

stavamo a spiare le fosforescenze?

Luminose sementi

rigavano la lama dell’onda

come astri in cammino…

U GATU DU BIGA di Ernesto Angelo Sacco

…Ina veja storia antiga

tramandà, p’in sertu fatu,

a ne conta du Sciù Biga

e du poveru so gatu.

E che stu bestia, poveretu,

cun a fame arecantà,

u l’andaixéiva meschinétu,

fin au casùn, sciü in u Rucà.

E propriu lì, sènsa farsa,

e cun tüta a so pasciènsa,

u sercàva a biéla marsa

pé nu murì de astinensa.

Candu pöi, u s’éira asassiau

e u petassu u l’éire cèn,

u rangugnava cun u resciau

pé còuse a gh’éire andàita ben.

Ernesto Angelo Sacco – Dialetto di Sanremo

IL GATTO DEL SIGNOR BIGA

Una antica, vecchia storia,

tramandata per un certo fatto,

ci racconta del signor Biga

e del suo povero gatto.

Questa povera bestia,

con la fame accumulata,

meschinetto, se ne andava

fino al casolare, lassù nella regione Roccaro.

E proprio lì, senza far scene,

e con tutta la sua pazienza,

cercava un budello guasto,

per non morire di fame.

Quando alla fine si era saziato

e aveva lo stomaco colmo,

miagolava col fiato grosso

perché la ricerca gli era andata bene.

MISERE RIMME di Renzo Ferrero

Misere  rimme  mæ  da  dilettante

scrîte  de  giorno  ma  pensæ  a-o  scûo

s'o  e  conoscesse  mai  o  sommo  Dante

o me spacchiæ 'n scia schenna 'n bacco drûo.

Lê,  che  cö  zeneize  o  l' à  a  morte,

o  me  cacciéiva  a  l' inferno  de  segûo

doppo  avéi  lètto  queste  rimme  storte

e  pe  l' eternitæ  saiæ  fottûo.

Ma  mì  ghe  rispondiæ  sensa  insolensa:

“Lontan  da  mì  a  l' ëa  l' intension 

de  fâghe -  Dio  m' avarde -  concorrensa;

in  quante  poi  a-o  fæto  do  zeneize,

no  son  nasciûo  a-o  Righi  o  Prementon,

ma  son  nasciûo  ciû 'n sciû: son piemonteise!"

Renzo Ferrero – Dialetto di Genova

MISERE  RIME

Misere  rime  mie  da  dilettante 

scritte  di  giorno  ma  pensate  al  buio, 

se  le  conoscesse  mai  il  sommo  Dante 

mi  romperebbe  sulla  schiena  un  duro  bastone. 

Lui,  che  col  Genovese  l' ha  a  morte, 

mi  getterebbe  all' inferno  di  sicuro

dopo  aver  lètto  queste  rime  storte 

e  per  l'eternità  sarei  fottuto.

Ma    io    gli   risponderie    senza    insolenza:  

“ Lontana   da   me  era   l' intenzione 

di  fargli  - Dio  me  ne  guardi -  concorrenza.

In  quanto  poi  al  Genovese, 

non  sono  nato  al  Righi  o  al  Promontorio 

ma  sono  nato  più  in  su: son  Piemontese! ”

NATALE CUSCÌ di Aldo Bottini

Cande u dürava noma in dì Natale

e l’asgairu d’ancöi u nu n’asbrivava

chelu poucu ch’u gh’eira u ne bastava

pe’ vive in amù in giurnu speciale.

L’udù frescu du muschiu u se mes-ciava

fin daa matin cun u prufümu du cunìu

che sce-a stüfa a legne ben insavurìu,

cun u tucu di raviöi, u s’aa cuagnava.

Pöi, int’u carù du descu imbandìu,

puesie, prumesse, chi ne ha u ne mete,

e a magìgura, ch’a nu se ripete,

du paire ch’u dröve, da tüti ascistìu,

serrae d’avustu de legnu e cascete

dund’i s-ciuisce, de ràixa ingiancae,

fighe seche cun l’öriabaga stremae:

güsti poveri ch’u nu se ghe cumpete.

Aldo Bottini – Dialetto di Sanremo

NATALE COSÌ

Quando durava un solo giorno Natale

e lo spreco di oggi non ci ingannava

quel poco che c’era ci bastava

per vivere in amore un giorno speciale.

Il fresco odore del muschio si mescolava

fin dal mattino col profumo del coniglio

che, sulla cucina a legna ben condito,

col sugo dei ravioli, si crogiolava.

Poi, nel calore del desco domestico

poesie, promesse, chi più ne ha più ne metta,

e la irripetibile magia

del padre che apre, da tutti osservato,

le chiuse d’agosto cassette di legno

da dove escono, con una patina bianca,

fichi secchi ben sistemati con l’alloro:

gusti poveri, ma inimitabili.

STELLA COMETA A LUXE di Danila Olivieri

 

A luxe da neutte sensa tempo

a menissa o scùo –

‘na cappa d’argento de lunn-a e de stelle

Tregosa antiga, erta in sciâ liggia, a l’inghêugge.

Pastôi, agnelletti in scê spalle,

villæn e artexæn

co-i arneisci de ‘na votta.

Da-e collinn-e in sciô fondo,

da-o santuäio assopïo de quëte tra e case,

in scia géa do sciumme

finn-a a-a cascata,

‘na Celeste melodia a chinn-a -

tappeto de fede a-o sò passaggio

da mille e mille anni.

Stella cometa a luxe,

l’odio ciù scuo o moe –

l’Amô o se spande

comme onda drento a-o mâ.

Danila Olivieri - Dialetto genovese del Tigullio

STELLA COMETA SPLENDE

La luce della notte senza tempo

frantuma il buio –

stola argentea di luna e d’astri

Trigoso antica, alta sul colle, avvolge.

Pastori, agnelli sulle spalle,

contadini e artigiani –

arnesi d’altro tempo.

Dai clivi sullo sfondo,

dal Tempio tra le case assorto,

sul greto del torrente,

sino alla cascata,

Celeste melodia discende –

tappeto di fede al suo passaggio,

a mille e mille anni.

Stella cometa splende,

l’odio cupo muore –

l’Amore si dilata

come onda dentro il mare.

INVERNU di Aldo Bottini

A neve, che da nui de rairu a vèn,

a m’ha levau dai caveji a zuventü

e a giassa, descunusciüa pe’ u ciü,

u mei cö a l’ha zerau, curmu de rèn.

Turna u l’arriva Deinà de chi giü,

ma l’agnima mea, sbatüa dai ciacrin

cum’a pica a tramuntana sce-i camin,

a l’ha dìitu: “Basta, u nu se fèsta ciü!”.

Aa porta a gh’ho apeesu in bijetin

ch’u dìixe: “Inte sta cà u nu gh’è nisciün”.

Ma pöi, sulu, cun a cuvéa de vié caicün

ch’a m’ascènta, a m’arregordu che u Bambin,

vegnüu int’a miseria de stu mundu

a purtane ina stréna de speransa,

de carità, d’amù e de fiànsa,

mai u me lascerà andà au fundu.

Aldo Bottini – Dialetto di Sanremo

INVERNO

La neve, che da noi viene raramente,

m’ha cancellato dai capelli la gioventù

e il ghiaccio, per lo più sconosciuto,

ha gelato il mio cuore vuoto.

Arriva di nuovo Natale quaggiù,

ma il mio animo, squassato dai dispiaceri,

come i camini scossi dal vento,

ha detto: «Basta, non si festeggia più!».

Ho appeso un biglietto alla porta

che dice: «Qui non c’è nessuno».

Ma poi, solo e oppresso dalla voglia

di vedere gente, realizzo che Gesù Bambino,

venuto nella miseria di questo mondo

per portarci in dono speranza,

carità, amore e fiducia,

non permetterà mai la mia rovina.