venerdì 30 novembre 2018

S’ARRUBATAVA I ANI… di Dionisio Bono


S’arrubatava i ani
e me premeva
d’arrecampame in röu
e mei puesie
che, pe dìa verità,
in cumpagnia
i nu s’era atrövae
e i nu l’ava pensau
luntanamente
mancu d’esse parenti
tantu pocu, d’altrunde,
tra de ele i s’assemeglia.
N’atrövava intê càntere
ogni tantu
spantegae, scrite a lapise,
a dorme
o a l’aventüra di fögli
vulanti
a ogni bifurun che sciuscia
 u vive;
n’on trövau, stente, tra pagine giale
d’ina giurnà de blaga
urmai svanìa.
. . .
Üna de ste matin, au dormiveglia,
cale ch’u fusse u mei presentimentu,
ciamu puesie cu u versu da gaglina,
piu piu, piu piu, piu pi,
ch’i s’arrecampa a frote svöratandu
animae da ina növa vivurìa;
e mi, d’apröu pe impreçiusì puesie
sciourandu «manciate di zecchini»,
soantegu in tera grane de granun,
brilanti poveri a in su da curtì.



Dionisio Bono – Dialetto di Ventimiglia


RUZZOLAVANO GLI ANNI

Ruzzolavano gli anni
e mi premeva
radunare in cerchio
le mie poesie
che, a dir la verità,
in compagnia
non s’erano trovate
e non avevano pensato
lontanamente
nemmeno d’essere parenti
tanto poco, d’altronde,
rassomigliano tra di loro.
Ne trovavo nei tiretti
ogni tanto
sparse, scritte a matita,
a sonnecchiare
o all’avventura di fogli
volanti
a ogni
a ogni soffio di vento
della vita;
ne trovai, soffocate, tra pagine gialle
d’un giorno di vanagloria
ormai svanito.
. . .
Una di queste mattine, nel dormiveglia,
qualunque fosse il mio presentimento,
chiamo poesie col verso da gallina,
piu piu, piu piu, piu pi,
che si adunano a frotte svolazzando
sciorinando « manciate di zecchini»,
spargo per terra chicchi di granoturco,
brillanti poveri a un sole da cortile.

giovedì 29 novembre 2018

FEUGGE di Renzo Ferrero


Feugge
ingiallìe  da-o  tempo
e    stagion,
feugge  che  tremmæ  'n  scë  ramme
de  n' èrbo  mëzo  nûo
in  atteiza
che  'n  sciûscion  de  vento
'n  po'  ciû  forte
o  destacche  quello    sottî
ch' o  ve  tegne  in  vitta,
'na  vitta  sensa  ciû  speransa
de  tornâ  a  lûxî
a-o    da  stæ...

Quande  quello  sciûscion 
o  l' arriviä  o  ve  fajä  xeuattâ  'n  pittin
in  te  l' aja  novembrinn-a
pe  poi  pösave  in  tæra
coverta    de  brinn-a.

Anche   
tremmo  'n  sce 'n  rammo :
o  Rammo  Vitta    de  n' Assegûazion
in  atteiza  de  quello
che  v' ho  dîto  primma...



Renzo Ferrero – Dialetto di Genova
 Da "Mesc-ciûa de parolle zeneixi" - Raccolta di poesie

FOGLIE

Foglie  ingiallite 
dal  tempo 
e  dalla  stagione, 
foglie che  tremate  sui  rami 
di  un  albero  mezzo  nudo 
in  attesa 
che  un  soffio  di  vento 
un  po'  più  forte 
stacchi  quel  filo  sottile 
che  vi  tiene  in  vita, 
una  vita  senza  più  speranza 
di  tornare  a  splendere 
al  sole  dell' estate...

Quando  quel  soffio
arriverà  vi  farà  svolazzare  un  momento 
nell' aria  novembrina 
per  poi  posarvi  in  terra 
coperta  già  di  brina.

Anch' io  tremo  su  un  ramo: 
il  Ramo  vita  di  un' Assicurazione, 
in  attesa  di  quello 
che  vi  ho  detto  prima

mercoledì 28 novembre 2018

A ENZA di Rosangela Paoletti


Quante votte, cumme in umbra leggêra
ti l’ei accustau u tô regordu au mé…
Quante cose i ne liga, amiga caȓa
dè sà da quella gallêria sensa fruntêra
de unde niscion u l’è mai turnau indaré!

I giurni i mangia i giurni
i mexi… i anni,
da chì a l’eternité u passu u l’è breve
a tö zuventü a l’è intrega
nui a semmu veggi:

eppüȓe u me basta sulu seȓà i öggi
pe vé ina scöȓa, e quellu bancu
- u nosciu – ciassa Lunghetta,
a guèra, u primmu amù…
E a son zuvena ancù
a l’ho ancù vint’anni!



Rosangela Paoletti – Dialetto di Imperia Porto Maurizio


A ENZA

Quante volte, come un’ombra leggera
hai accostato il tuo ricordo al mio…
Quante cose ci legano, amica cara,
al di qua di quell’immensa galleria senza frontiera
dalla quale nessuno è mai tornato indietro!

I giorni consumano i giorni
i mesi… gli anni,
da qui all’eternità il passo è breve
la tua giovinezza è intatta
e noi siamo vecchi:

eppure mi basta soltanto chiudere gli occhi
per vedere la scuola, e quel banco
- il nostro – Piazza Lunghetta,
la guerra, il primo amore…
E sono giovane ancora
ho ancora vent’anni!

martedì 27 novembre 2018

QUESTA DESTEISA di Luigi Cornetto


Questa desteisa
ch’a trilla de perlinn-e
regalæ da-o sô
a te dà o senso dell’immensitæ.

A te fa sentî
ancon ciù piccin
un granin d’æanin
in sciä ria do mâ.



Luigi Cornetto – Dialetto di Genova


QUESTA DISTESA

Questa distesa
che trilla di perline
regalate dal sole
ti da il senso dell’immensità.

Ti fa sentire
ancora più piccolo
un granellino di sabbia
sulla riva del mare.

lunedì 26 novembre 2018

FÂ CANTÂ O PAPË di Sandro Patrone


Sott’a queste parolle gh’è un papë
tutto gianco, tranquillo, silenzioso.
O l’aspëta o discorso misterioso
do çervéllo pensante; e prexonë

de ideali, i ciù èrti, cheli da lë
vorrieivan piggiä vitta; e luminoso
ëse amigo sincero e generoso
verso chiunque existe sott’a-o çê.

Questa votta succede che, a chi scrive,
unna voxe d’amö drento a ghe canta
o piaixéi d’avéi ‘n’anima, e de vive.

Al’è ‘na sensassion che o cheu o l’agguanta
sensa quæxi savéi comme a gh’arrive…
…e o papë, ch’o l’ëa ninte, o vive e o canta.



Sandro Patrone – Dialetto di Genova


FAR CANTARE LA CARTA

Sotto queste parole c’è un foglio di carta
tutto bianco, tranquillo, silenzioso.
Attende il discorso misterioso
del cervello che pensa; prigioniero

di ideali, i più alti, che da esso
vorrebbero prendere vigore; ed essere
amico luminoso, sincero e generoso
verso chiunque esiste sotto il cielo.

Questa volta succede che, a chi scrive,
gli canta dentro una voce d’amore,
il piacere di avere un’anima vivente.

E’ una sensazione che gli afferra il cuore
senza sapere quasi da dove proviene…
…e la carta, che era nulla, vive e canta.

domenica 25 novembre 2018

SAMBA E CABANÉI di Aldo Bottini


A l’aixevu menau a crava int’u stagiu
e nurigau fin a l’ürtimu cunìu,
a m’eiru messu e braghe de früstagnu,
a beréta e a camixöra de velüu.

A l’ho serrau a porta du casun,
a l’ho aciatau a ciave sut’in cupu,
e a me sun incaminau giü pe’ u valun.
Pe’ a prima vota inte sta vita d’urucu

u m’è vegnüu inveza d’andà a vié
i carri sciurìi in via Ruma desfirà.
Cand’a sun stau lì suta au Rigulé
a te cumensu a vié daa longi ina ramà

de marcantonie grande cum’a fame
tüte ingarnìe de ciümaji e sunajin.
Tra desbrüi e spunciui arésciu a avixiname
e, sacranun! – sta chì a l’ha u pendajin! -

I nu l’eira patanüe ste pelestorte ?!
E balandu ai catru vènti i luciava u pané
e u restu ascì, sempre ciü forte.
Cum’i e ciama? “Brasiliane”? Me’ paré

o ch’i sun scapae dau manicomiu o dau… casin !!!



Aldo Bottini – Dialetto di Sanremo


SAMBA E ZOTICONI

Avevo condotto la capra nella stalla
e accudito fino all’ultimo coniglio,
m’ero messo i calzoni di fustagno,
il berretto e la giacca di velluto.

Ho chiuso la porta del casolare,
ho nascosto la chiave sotto una tegola,
e mi sono incamminato giù per il vallone.
Per la prima volta in questa vita d’allocco

m’è venuto desiderio d’andare a vedere
i carri fioriti sfilare in via Roma.
Appena giunto in Corso Mombello
comincio a vedere in lontananza un gruppo

di ragazzone grandi e grosse
piene di pennacchi e sonagli.
Tra urti e spintoni riesco ad avvicinarmi
e, perbacco! – questa è davvero curiosa! -

erano praticamente nude queste disgraziate?!
E ballando ai quattro venti scuotevano il deretano
E le altre parti, sempre più forte.
Come le chiamano? «Brasiliane?» A mio parere

o sono scappate dal manicomio o dal… casino!!!


sabato 24 novembre 2018

ÙRE di Mario Saredi


I pàssa cumpàgnu
u tèmpu,
éli dùi
i n’han d’avànsu,
nu ghe n’è mài
o ghe n’è delòngu.
Te pà’ ch’i s’asgàire,
ma tütu l’è cuntàu
avànti de andà.
E cànde i vàn,
gràmu fermàre.
Ure de matin,
destrigliàsse,
d’a giurnà,
travaglià e mangià, 
o de cübu,
pe’ assonà e repousà
o fa l’amù.
Ùre fàe cuscì,
pe’ tü, éli e mì.
Ure nàe da cunsümà.



Mario Saredi – Dialetto di Camporosso


ORE

Passano
con il tempo,
loro due
ne hanno di troppo,
non ce n’è mai
o ce n’è sempre.
Ti pare che si sciupino,
ma tutto è previsto
prima di partire.
E quando vanno,
difficile fermare.
Ore del mattino,
sgranchirsi,
della giornata,
lavorare e mangiare,
o al buio,
per sognare e riposare
o far l’amore.
Ore fatte cosi
per te,lui e me.
Ore nate per consumare.

venerdì 23 novembre 2018

I ANNI SON SCENTÆ di Luigi Cornetto


Sempre corrî
da ‘na parte dall’ätra
giammin
sospîi e pause
pe poi torna fâ.
Quarche momento d’amô,
de serenitæ.

Ma i anni
m’accorzo òua
son scentæ,
l’ëa vëi che comensâvo
a inandiâme
ormai vegnâ o momento
che doviô fermâme.



Luigi Cornetto – Dialetto di Genova


GLI ANNI SONO FUGGITI

Sempre correre
da una parte dall’altra
fatica
sospiri e pause
per poi nuovamente fare.
Qualche momento d’amore,
di serenità.

Ma gli anni
mi accorgo adesso
sono fuggiti,
era ieri che cominciavo
a prepararmi
oramai verrà il momento
che dovrò fermarmi.

giovedì 22 novembre 2018

CANDU U MÀ U S’ARRAGIA... di Roberto Rovelli

Rapallo - Autunno 2018

Créste giànche i labrégia e unde ìnsce de véntu
ch’i se scurre cume cavali sarvàighi incainài.
Int’in grixù ch’u cunfùnde celu e mà,
marusi asciarmài i se lansa acanì insci’â costa
scciupàndu int’i scögli cun semìglie de scciüma.
Prie, grava e giairui spantegài dapertütu.
Trussi, tòuře e bilùi astracài dae unde.
Strade inundàe, sprefundàe, scüràe.
Fundi e bitéghe alagàe; porte desgainàe.
Gussi lansài cun forsa int’i scögli
e amügliài cume rümenta int’ê ciaze
d’â füria acanìa d’a maregassa:
scciapài, ciavirài, afundài
o stirassài chissà dùve d’â curente.
–Che desastru!– s’aluménta e génte,
–U tempu u l’è propiu scangiàu; u l’è ciü gramu!–
i mungugna standu a mente tüti i dani capitài.
Ma urmai i son ani che l’omu u s’è scordàu
de réspeità a natüra e u mundu a l’avirùn;
mai cuntèntu, de lòngu ciü presentiùsu,
numìa de cunsciderà l’eféitu d’ê sòu açiùn.
Cuscì ancöi u nu’ pö fa autru che pregà
o püra giastemà, candu u mà u s’arragia..



Roberto Rovelli – Dialetto di La Mortola (Ventimiglia)


QUANDO IL MARE S’ARRABBIA...

Creste bianche agitano le onde gonfie di vento
che si rincorrono come cavalli selvaggi infuriati.
Nel grigiore che confonde cielo e mare,
cavalloni eccitati si slanciano implacabili sulla costa
scoppiando negli scogli con scintille di schiuma.
Pietre, ghiaia e grossi sassi disseminati dappertutto.
Ceppi, tavole e tronchi spiaggiati dalle onde.
Strade inondate, franate, erose.
Cantine e negozi allagati; porte scardinate.
Gozzi buttati con forza negli scogli
e ammucchiati come immondizia nelle spiaggie
dalla furia accanita della mareggiata:
spaccati, rovesciati, affondati
o trascinati chissà dove dalla corrente.
–Che disastro!– si lamenta la gente,
–Il tempo è proprio cambiato; è più cattivo!–
brontolano osservando tutti i danni avvenuti.
Ma oramai sono anni che l’uomo si è dimenticato
di rispettare la natura e il mondo attorno;
mai contento, sempre più arrogante,
invece di considerare l’effetto delle sue azioni.
Così oggi non può far altro che pregare
oppure bestemmiare, quando il mare s’arrabbia...