Neggia de scciumme inte l’äia
a fûmma
de sâ e de iodio,
a l’inghêugge Baffe e o Schêuggio
e a ne deslengua o contorno.
O strazetto de lûxe in sciô mâ
de zimme o brilla
in sciô bollezzûmme do cammin e zà
zeman stanchi ochin
röchi lamenti sensa fin.
A spalanca l’onda
de scciumme a bocca fûribonda
e a brûzza in sce l’ænna
l’eterna raggia.
O l’à puïa invece o giorno
da fûga
sensa remiscion de l’öa
incontro à l’ombra
che l’orizzonte a l’ingöa
e tutto a scancella.
A s’asconde derrê à Manëa
a sciammadda da seia.
‘N triste sô anchêu
o se affonda into chêu.
Danila Olivieri – Dialetto genovese
del Tigullio
AL TRAMONTO
Nebbia di spume nell’aria
fuma di salso e di iodio,
avviluppa Baffe e lo Scoglio
e il profilo discioglie.
Il viottolo di luce sul mare
di faville balugina
sul convulso cammino e già
gemono gabbiani stanchi
rochi infiniti lamenti.
Spalanca l’onda
fauci furibonde di schiume
e rugge sulla sabbia
l’eterna rabbia.
Paventa invece il giorno
la fuga ineluttabile dell’ora
incontro all’ombra
che l’orizzonte ingoia
e tutto dissolve.
Si nasconde dietro Manara
la vampa della sera.
Oggi un triste sole
si inabissa nel cuore.
Nessun commento:
Posta un commento