E NIVURE di Alessandra Armando

E nívure son in muvimentu ancöi

I se alonga, sgurandu versu a marina

E pöi se stregne turnandu in déré

Paresce de strasse chi nöa

Ghe n'è üna pėcina de sücheru filau

In'autra runda cume in balún

Avura i pia l'abrivu

Se spuncia fin dėré à cola

Alessandra Armando – Dialetto di Bordighera 

LE NUVOLE

Le nuvole sono in movimento oggi

Sì allungano scivolando verso il mare

E poi si stringono tornando indietro

Sembrano stracci che nuotano

Ce n'è una piccola di zucchero filato

Un'altra tonda come un pallone

Ora prendono la rincorsa

E si spingono fin dietro la collina

PUA di Fiorenzo Toso

D’int’un recanto da memöia sciòrte

ombre lontañe che no reconoscio.

De neutte sensa sprescia e sensa poia

solo m’arresta, e ninte à mandâ via

un senso do visciuo ch’o m’açimenta.

Tutto se pösa, e comme un vello a pua

a se destende, futa, che no â scassa

brixa nisciuña. Inte sto veuo mi mescio,

bacan e servo di mæ giorni lenti.

Fiorenzo Toso – Dialetto di Arenzano

POLVERE

Da un angolo della memoria escono

ombre lontane che non riconosco.

Notti senza fretta e senza paura

soltanto mi restano, e nulla che possa allontanare

il senso del vissuto che mi tormenta.

Tutto si posa, e come un velo la polvere

si distende, pallida, e non la cancella

brezza alcuna. In questo vuotoio mi muovo, padrone e servo dei miei lenti giorni.

U SBAIU D’ANGI’ DU SGURRU di Vincenzo Jacono

A motu a l’eira düra de scrucin:

E zun! E zun! Cu u pè e ascì cu u murru;

Ma ela a nu partiiva, e Ce u bazurru,

Desuveriu e stancu, in sc’in scarin

De porta u s’è assetau. Ghe va veixin,

Dopu d’avé sentiu stu gran zunzurru,

Cun dui arneexi in man Angì du Sgurru

E a ghe dixe: - «Neh, vui, bona aa matin!

Sti dui pai de tesùire da puà

i purei amœràmeri in giurnà?» -  

E u Ce: - «Ah, stachì pœi! Ma i ve sbaiai…

In centàuru mi a sun!» - «Eh mi, scüsai,

Da sti pussui, d’adossu a sta carreta,

A v’avevu piau p’in amuleta»… -

Vincenzo Jacono – Dialetto di Sanremo

LO SBAGLIO DI ANGELA DELLO SCIOCCO

La moto era dura di scatto:

E zun! E zun! Col piede e anche con la faccia;

Ma lei non partiva, e Cecco, il buzzurro,

Avvilito e stanco, su uno scalino

Di porta si è seduto. Gli va vicino,

Dopo aver sentito quel gran ronzìo,

Con due arnesi in mano Angelo dello Sciocco

E gli dice: - «Nèh, voi, buongiorno alla mattina!

Queste due paia di cesoie da potare

Potete affilarmele in giornata?» -

E il Cecco: - «Ah, questa poi! Ma vi sbagliate…

Io sono un centauro!» - «Eh, scusatemi,

Da quelle spinte, addosso a quella carretta,

Vi avevo preso per l’arrotino!»… -

I NÒSCI MANGIÀI di Mario Saredi

Se ti me dìxi

d’i nòsci mangiài,

nu se pö stà

sènsa aregordà,

chéli bèli peverùi

d’i trèi curùi,

vérdi, giàuni e rùssi,

cèi  de brùssu

fài int’u fùrnu

a rustì.

Gh’è da lecàsse

i çìnche dì,

t'u u digu mì,

sechenù,

int’ina xiàta fùnda,

céna de raviöi,

apéna aissài,

scurài,

inciucài intu vìn,

nu ti t’imbriàghi màncu,

ma éli scì.

A cansùn

a pö èsse ciü lònga

ma lòche cònta,

l’è lulì.

Mario Saredi – Dialetto di Camporosso

2018

IL NOSTRO MODO DI MANGIARE

Se mi parli

del nostro modo di mangiare,

non si può stare

senza ricordare,

quèi belli peperoni

di tre colori,

verdi,gialli e rossi,

colmi di brùssu

fatti  in forno

abbrustolire.

C’è da leccarsi

le dita,

te lo dico io,

altrimenti,

in una fondina,

piena di ravioli,

appena tolti dalla pentola,

scolati,

annegarli nel vino,

non ti ubriachi neppure,

ma loro si.

La musica

potrebbe continuare ancora

ma ciò che conta,

lo abbiamo detto.

REGATTANDO IN MOTO di Renzo Ferrero

Ûn  sabbo  seja  quarche  tempo  fa

verso  dex' ôe  son  andæto  in  létto,

ho  piggiòu  seunno  comme  n'angioletto

incominsando sûbbito  a  ronfâ.

In  to  frattempo  a  moggê  'n  cûxinn-a

a  rûxentava  tondi  e  cassöulin

de  moddo  che  a-o  lindoman  mattin

a  poësse  cettezzâ  con a  vexinn-a.

Quella  seja  aveiva  visto  ä  TV

inn-a  gara  de  moto  in  Brasî

coscì  ho  assûnnòu  de  quande  mì

da  zueno  cavalcava  l' MV.

A  quelli  tempi  a  ciû  grande  ambizion

a  l' ëa,  pe-i  zueni,  a  motocicletta :

Guzzi,  Gilera,  Vespa  e  Lambretta

e  tûtti  i  giorni  gran  competizion...

Quande,  finïo  i  tondi,  a  moggê

a  l' è  vegnûa  in  létto  lê  ascì,

sentindo  che  ronfava  a  moddo  mæ

a  m' ha  mollòu  ûn  cäso  'n  to  panê

mentre  stavo  regattando   'n  sciä  Scoffæra

con  a  Gilera  do  Carlin  Saetta

e  o  Nandin  Dodê  con  a  Lambretta,

coscì  ho  sbandòu  e  son  finìo  in  tæra...

Natûralmente  a  moto  a  s' è  sfasciâ

contro  ûn  paracäro  li  vixin

andando  in  menissi  e  tocchettin

da  impîne  meza  corba  da  fornâ.

In  quante  a  mì  ho  piggiòu  tale  resäto

che  son  finìo  in  tæra  a-i  pê  do  létto

e  tastando  a-o  scûo  cian  cianinetto

ho  posciûo  tornâ  sciû  a-o  cian  de  d' äto.

Coscì  appreuvo  a 'n  cäso  in  to  panê

ho  perso  a  regatta  cö  Carlin

ma  quello  che  me  fa  gïâ  o  belin

l' è  d' avei  perso  quella  cö  Dodê...

Renzo Ferrero – Dialetto di Genova

Aprile 1997

REGATANDO  IN  MOTO 

Un  sabato  sera  di  qualche  tempo  fa 

verso  le  dieci  sono  andato  a  letto, 

ho  preso  sonno  come  un  angioletto 

incominciando  subito  a  russare. 

Nel  frattempo  la  moglie  in  cucina

 sciacquava  piatti  e  casseruole 

in  modo  che  il  mattino  dopo 

potesse  chiacchierare  con  la  vicina.  

Quella  sera  avevo  visto alla  Tv 

una  gara  di  moto in  Brasile 

così  ho  sognato  di  quando  anch' io 

da  giovane  cavalcavo  l' MV.  

A  quei  tempi  la  più  grande  ambizione  era, 

per  i  giovani,  la  motocicletta:

Guzzi,  Gilera,  Vespa  e  Lambretta 

e  tutti  i  giorni  gran  competizioni.  

Quando,  finito  i  piatti,  la  moglie 

è  venuta  a  letto  anche  lei, 

sentendo  che  russavo  a  modo  mio, 

mi  ha  mollato  un  calcio  nel  sedere  

mentre  stavo  regatando  sulla Scoffera 

con  la  Gilera  di  Carlin  Saetta 

e  Nandin  Dodero  con  la  Lambretta, 

osì   ho  sbandato  e  sono  finito  a  terra...

Naturalmente  la  moto  si  è  sfasciata 

contro  un  paracarro  lì  vicino 

andando  a  pezzi  e  pezzettini 

da  riempirne  mezza  cesta  da  fornaio. 

In  quanto  a  me  ho  preso  un  tale  spavento 

che  sono  finito  a  terra  ai  piedi  del  letto 

e,  tastando  al  buio,  pian  pianino, 

sono  riuscito  a  tornare  di  sopra.  

Così,  per  un  calcio  nel  sedere, 

ho  perso  la  regata  con  Carlino,

ma  quello  che  mi  fa  girare  le  palle,

è  di  aver  perso  quella  col  Dodero... 

NÈITO DE PAN CÒTO di Armando Bonazzi

S’a voremo sarvàe questo dialèto

e tüte e nostre bèle tradissión,

güstando cór piasée de l’intelèto

a sa d’a tèra d’a popolassión,

smetémola, na vóta, sacranón!

d’embastardilo – ahimedio! che efèto –

ar punto che perdémo a cognissión

de quér pünzente die, ch’i è cossì s-céto!

L’è ‘na campana fàossa che la sóna

i paolón ciapà da l’italiàn,

spezinizà con nòta che la stòna…

L’è in po’ come levàghe a parte bóna

a ‘n campo semenà de biondo gran:

o nèito de pan còto, de mé nòna!...

Armando Bonazzi – Dialetto de La Spezia

PROFUMO DI PAN COTTO

Se vogliamo salvare questo dialetto

e tutte le sue belle tradizioni,

gustando col piacere dell’intelletto

il sale della terra della popolazione,

smettiamola, una volta, sacramento!

di imbastardirlo – ahimè! che effetto –

al punto che perdiamo la cognizione

di quel pungente dire, che è così schietto!

E’ una campana falsa che suona

i paroloni presi dall’italiano,

spezzinizzati con nota che stona…

E’ un po’ come levargli la parte buona

a un campo seminato di biondo grano:

il profumo di pan cotto, di mia nonna!...

E NAVEGHIÖ… di Luigi Cornetto

O çe e o mâ

se confondan ormai

ninte ciù

o l’impedisce a vista.

E navighiö torna

co-a me fantaxia

libera

sorva ste ægue

che me portian in gïo

pe ogni conträ.

Che me faian conosce

con tanta emoscion

là dove se ïsan

e s’accoegan

tanti soî.

Gente ch’a vive

a lotta e a spera

comme mì.

Luigi Cornetto – Dialetto di Genova

E NAVIGHERÒ

Il cielo e il mare

si confondono ormai

niente più

impedisce la vista.

E navigherò di nuovo

con la mia fantasia

libera

sopra queste acque

che mi porteranno in giro

per ogni contrada.

Che mi faranno conoscere

con tanta emozione

là dove si alzano

e si coricano

tanti soli.

Gente che vive

lotta e spera

come me.

COVID-19 di Roberto Rovelli

         
           

Forsci in giurnu a passerà,          

ma int’a brata avù ghe semu              

e chissà se impareremu              

finarmente a nu’ aspeità             

ch’u ne sarve u Padreternu.        

U l’è ascàixi ura d’acapì

dùve urmai semu andài a fenì                     

inte ‘stu mundu bèn mudèrnu:     

se semu vendüi fina e bràghe             

pe’ dui sodi o pocu ciü        

e avù mustramu a tüti u cü         

sperandu che pru u ne faghe.             

Ma i sodi i nu’ sèrve a in belìn,     

candu tütu u va a bagàsce,                         

percose e génte i möire e i nasce

cun o sença u burselìn!               

Roberto Rovelli - Dialetto de La Mortola

2020

COVID-19

Forse un giorno passerà,

ma nel fondo di caffè* ora ci siamo

e chissà se impareremo

finalmente a non aspettare

che ci salvi il Padreterno.

È quasi ora di capire

dove ormai siamo andati a finire  

in questo mondo ben moderno:

ci siamo venduti perfino i calzoni

per due soldi o poco più

ed ora mostriamo a tutti il culo

sperando che ci dia giovamento.

Ma i soldi non servono a un belino,

quando tutto va a bagasce,         

perché la gente muore e nasce

con o senza il portamonete!

* Essere nei guai.