Chi forsou pe dovei sciòrte de feua
vedde a gente corrî pallida e trista,
deserte e passeggiate e l'Accasseua,
che trentamia sciortii son za inta lista,
serræ e buteghe, Zena meza veua,
e solo buscioe e cataletti in vista,
travaggiâ religiosi, tutti in grande
inte case, inte gexe e in tutte e bande.
Oh santa fede, o martiri viventi,
parrochi, prævi, paddri, confessoî,
che do tiranno còlera a-i tormenti
v'exibî volontäi, professoî
magnifichi, flebòtomi, inservienti
tutti dispòsti pe caitæ de moî!
Miæ che pòsti inte l'eterna glöia
ve preparæ, che Dio ne ten memöia!
Ma sæ comme se sæ, gente s'attreuva
chi pensa fâ sciampradde e fâ allegria,
à l'undoman San Loenso in Casaneuva
con carrossate e boña compagnia,
à l'arba apeña i carrossê fan preuva,
comme ciammæ à regatta, à xeuâ via,
tutte e carròsse, i cabriolê, e berliñe
impan de zovenòtti e cappelliñe.
Antonio Pescetto – Dialetto di Genova
Dalla pagina Facebook di Fiorenzo Toso
TRE OTTAVE DEL POEMETTO SULL'EPIDEMIA DI COLERA DEL 1835
Chi è costretto dal dovere esce all'aperto
vede gente camminare pallida e triste,
deserte le passeggiate e l'Acquasola,
c'è già una lista di trentamila sfollati.
Chiusi i negozi, Genova è mezza vuota,
si vedono solo portantine e carri funebri,
hanno un gran daffare i religiosi
nelle case, nelle chiese, dappertutto.
Oh santa fede, o martiri viventi,
parroci, preti, frati, confessori,
che ai tormenti del colera tiranno
vi offrite volontariamente, professori
medici, flebotomi, infermieri
tutti disposti a morire in nome della carità!
Guardate i posti che nell'eterna gloria
vi state preparando, perché Iddio ha buona memoria!
Ma sia come sia, si trova gente
che pensa a fare feste e a divertirsi,
all'indomani di San Lorenzo, vanno a Casanova
in carrozza e in buona compagnia,
già all'alba i vetturini sono impegnati
come in una gara, a volar via,
tutte le carrozze, i calessi e le berline
riempiono di giovanotti e signorine.
Nessun commento:
Posta un commento