CAROGGI di Luigi Cornetto

Caroggi di gatti

che in te çerte sejann-e

no te lasciavan quëtâ.

Caroggi che in te scàe

pòu disnâ

o prufûmmo de menestron

o te fâva rescioâ.

Caroggi de quande

passando sotta 'n barcon

ti sentivi

'na bella voxe cantâ.

Caroggi de ratelle

caruggi de ciaebelle

che in to scûo

se poeivan çercâ.

Caroggi di contrabbandê

donde a qualunque oa

ti poeivi passâ.

Caroggi do zeneise

che in te ogni recanto

ti sentivi parlâ.

Caroggi dell'ödô de casengo

caroggi de bûgaixe

caroggi di ferrae

caroggi di bancae

caroggi di fornae de bonn'oa.

Caroggi de quande inte 'n' ostaia

pe beivine un gotto

due notte de chitära

e 'na canson nostrâ

te caesavan o sentî.

Caroggi de vei

che no ti sae comme mai

no se possan ciû attrovâ.

Luigi Cornetto – Dialetto di Genova

VICOLI

Vicoli dei gatti

che in certe serate

non ti lasciavano quietare.

Vicoli che nelle scale

per desinare

il profumo di minestrone

ti faceva sollevare.

Vicoli di quando

passando sotto ad una finestra

sentivi

una bella voce cantare.

Vicoli dei litigi

vicoli delle lucciole

che nel buio

si potevano cercare.

Vicoli dei contrabbandieri

dove a qualunque ora

potevi passare.

Vicoli del genovese

che in ogni cantuccio

sentivi parlare.

Vicoli dell’odore di casalingo

vicoli delle lavandaie

vicoli dei fabbri ferrai

vicoli dei falegnami

vicoli dei fornai di buon’ora.

Vicoli di quando in un’osteria

per berne un bicchiere

due note di chitarra

e una canzone nostrana

ti carezzavano il sentire.

Vicoli di ieri

che non sai come mai

non si possano più trovare.

DISCURE IN SCIU’ TEMPU E l’ÀIGA di Tommaso Lupi

Àiga duse e varegu amo(r)u u tempu.

Tempu che pé nui u passa cume a passa

a mejima àiga sutta i ponti:

ina vota sulla,

tempu ch’u marca i passi da memo(r)ia

in sciá stradda da vitta,

tempu che sensa u spassiu u nu l’è nien,

tempu che mancu tütta l’àiga du dilüviu

a l’è riuscia a fermō.

“Fausto, aù che a tò senne a s’arescio(r)a

cünō da l ’àiga da ma(r)ina

fin fin a-e revese dell’eternu,

Tü, omu sensa ciü tempu, che de de lì

ti poi vē pe’ sempre e tutt’insemme

sēa, anc’öi e duman,

dimme … cuss’ u l’è u tempu?”.

“Me frai, serca da sullu a risposta,

mi a t’ò musciau a stradda

intantu ch’a me n’andajevu …

ti nu t’aregordi e ürtime u(r)e insemme?

… aù, cu-e pa(r)olle du puetta,

a te diggu sullu che u tempu

u l ‘è ina sciu(r)a pocu cunusciüa,

sciu(r)a du mō e sciu(r)a du ben,

e che u tempu u l‘è àiga de vena

ch’a te leva a sē ma ch’a te

scappa aviau din te die de mae,

àiga d’ina vena

che pe’ mi a s’é seccō troppu prestu.

Frai, serca da sullu ina risposta,

tü serca sempre, me(r)aveiate de tüttu,

mīa drentu au miste(r)u sensa fin e …

bevi àncū l ’àiga da vitta”.

Tommaso Lupi - Dialetto di Dolcedo

Premio Speciale al Concorso "Bellissimi versi" - Edizione 2015

DIALOGO SUL TEMPO E L’ACQUA

Acqua dolce e tossico amaro il tempo.

Tempo che per noi passa come passa

la stessa acqua sotto i ponti:

una volta sola,

tempo che segna i passi della memoria

sulla strada della vita,

tempo che senza lo spazio è niente,

tempo che nemmeno tutta l ’acqua del diluvio 

è riuscita a fermare.

“Fausto, ora che le tue ceneri si riposano

cullate dall’acqua del mare

fin fino alle rive dell’eterno,

Tu, uomo senza più tempo, che da lì

hai presenti per sempre e insieme

ricordo, coscienza e presagio,

dimmi … cos’è il tempo?”.

“Fratello mio, cerca da te la risposta,

io ti ho indicato la strada

mentre già andavo via …

non ti ricordi le ultime ore insieme?

… adesso, con  le parole del poeta,

ti dico solo che il tempo

è un fiore poco conosciuto,

fiore del male e fiore del bene,

e che il tempo è acqua di fonte

che ti leva la sete ma che

ti sfugge veloce fra le dita delle mani,

acqua di una fonte

per me troppo presto inaridita.

Fratello, cerca da te una risposta,

tu cerca sempre, meravigliati di tutto,

indaga il mistero senza fine e …

bevi ancora l ’acqua della vita”.

SCIURA DE MAGIU di Riccardo Lanteri

Fior d'arancio amaro, tipica coltivazione secolare di Vallebona

Bela sciura, tüta vita          

mi te pensu fin da logni        

e intu scüru, sita sita        

tu ti intri int'i mei sogni.        

I sitrui tüti ingarnì                                

e u prufümu che in spandìa                    

in metìa a tüti alegrìa.            

A seira a sciura a se sernìa

au ciauru de luna o cun u lümin,         

tüta a sciorta aturnu au mügliu              

cun e bassete incüriusie.                 

Se cuntava tante foure                 

e nui pecin stavimu a sente    

cun de ögli grossi cuscì    

cume cheli de l’auxelu gatu     

che in s’in ramu u cantava               

e u dixia a a luna               

che ciü bela de sta sciura         

nu ghe n’è nisciüna!  

Riccardo Lanteri - Dialetto di  Vallebona

Premio Civiltà Contadina "Madalena de Funtane" al U Giacuré 2017

FIORE DI MAGGIO

Bel fiore, tutta vita

io ti penso da lontano

e al buio, zitta zitta

tu entri nei miei sogni.

Gli aranci amari tutti addobbati

e il profumo che emanavano

rallegravano tutti.

Di sera si sceglieva il fiore

al chiaro di luna o con il lumino

tutto il gruppo intorno al mucchio

con le lucciole curiose.

Si raccontavano tante favole

e noi piccoli ascoltavamo con gli occhi sgranati

come quelli del gufo

che cantava su di un ramo

e diceva alla luna

che più bello di questo fiore

non ve ne sono altri!

A SÆ TE PASSÏÀ di Andrea Gullo

I anni son passæ, e tanti,

o banco o l’cresciüo,

ma l’ê co-o so scosâ

a l’éa sempre lì, i gotti a lavâ.

Ghe sono tornòu da grande,

in te l’ostàja, voéivo do vin,

e lê a m’ha ridito:
«Gigetto, no béive, o te fa mâ».

Questa a l’éa Carolinn-a,

l’ürtima oste da Madænn-a,

düa, ma troppo bonn-a.

Vixin a Lê o Segnô l’ha ciammâ.

Andrea Gullo – Dialetto di Genova

LA SETE TI PASSERÀ

Gli anni sono trascorsi, e tanti,

il banco è stato rimodernato,

ma lei col suo grembiale

era sempre lì a lavare i bicchieri.

Ci sono ritornato da adulto,

nell’osteria, volevo del vino,

e lei mi ha ridetto:

«Gigetto, non bere, ché ti fa male».

Questa era la Carolina,

l’ultima ostessa delle via della Maddalena,

burbera ma troppo buona.

Iddio vicino a sé l’ha chiamata.

U SBUÌSCI GATI di Dino Ardoino

 

Za da luntan a u vegu sbrassezà

da mentre che, a parole, u s’acaìna

contru caicün. E cun che tangarlina

delongu u tarambèla per spiegà

ch’u l’è capace de dà a bacicina

a sertüi pe’ insegnaghe a rispetà

u pròscimu. E ascì d’autru u ghe farà

- segundu lei – mandànduri in ruvina

e metèndughe e osse int’in cavagnu

se u l’è u caixu. Staghènduru a sentì

elu u l’è in gradu de lansari a bagnu

cheli ch’i gh’atravèrsa a strada: «Mi»

u va dighèndu «a verzelàe a i suàgnu

e a son de bote a gh’a a fassu capì».

Ma cand’u incrocia in omu ch’u nu mola

u asbascia e are e a lenga a se gh’incola.

Dino Ardoino – Dialetto di Sanremo

LO SPAVENTA GATTI

Già da lontano lo vedo gesticolare

mentre che, a parole, si accanisce

contro qualcuno. E con che parlantina

di continuo rumoreggia per spiegare

che è in grado di dare la giusta punizione

a certuni per insegnar loro a rispettare

il prossimo. Ed anche altro farà

- secondo lui – mandandoli in rovina

e riducendoli a mal partito

se è il caso. A sentir lui

egli è capace di gettare a mare

coloro che gli attraversano la strada: «Io»

va dicendo «a bacchettate li curo

e a suon di botte gliela faccio capire».

Ma quando incontra un uomo che non molla

abbassa le ali e la lingua gli s’incolla.

ANCÖI NÀ di Mario Saredi

 

A parescià

ina giurnà

giüsta,

ma,

sènsa vurè,

a s’è gastà.

Nu l’è l’è stàu

u tèmpu,

cùme de Prìma,

ascàixi Estàe,

ma tüti

i se ne sùn lavàe

e màe.

Nècu e sùlu

i m’han lasciàu.

Ancöi nà,

in còru i m’han dìtu.

Chi u sà se demàn,

serà a giurnà.

A saracinèsca

fàssu carà,

demàn se ne parlerà,

ma ancöi

nà.

Mario Saredi - Dialetto di Camporosso

OGGI NO

Pareva

la giornata

 giusta,

ma,

senza volere,

s’è poi guastata.

Non è stato

per il tempo,

come in Primavera,

quasi Estate,

tutti

se ne sono lavate

le mani.

Triste e solo

mi hanno lasciato.

Oggi no,

in coro hanno cantato.

Chi lo sa se domani,

 il giorno buono sarà.

La serranda

faccio scendere,

domani se ne parlerà,

ma oggi

no.

CAMPANE DE SANT’AGUSTIN di Gianni Bosio

Ventimiglia - Il campanile di Sant'Agostino

Campane de Sant’Agustin

che sentiva lunta, â matìn,

l’éira in cantu d’amù:

ne ciamava nostru Scignù.

Me ricordu cand’éira fantìn,

ê sentiva sunà â matìn,

i sunava â matìn da Gloria,

e ricordu ancù a memoria.

L’è lì ch’i m’an Batesau,

l’è lì ch’i m’an Cresimau

l’è lì ch’i m’an fau i papei

pe’ candu me sun mariau.

Ah! Cantu tempu l’è passau,

cante couse i l’an scangiau!

Adessu de autre campane

i sona pe’ mì â matìn.

I sun chele de San Nicola.

A suname l’ürtima Gloria

i saran chele de San Nicola

nu ciü chele de Sant’Agustin.

Gianni Bosio – Dialetto di Ventimiglia

LE CAMPANE DI SANT’AGOSTINO

Campane di Sant’Agostino

che sentivo lontano, al mattino,

era un canto d’amore:

ci chiamava nostro Signore.

Mi ricordo quand’ero ragazzo,

le sentivo suonare al mattino,

suonavano al mattino della Gloria,

le ricordo ancora a memoria.

È lì che mi hannp Battezzato,

è lì che mi hannp Cresimato,

è lì che mi hanno fatto i documenti

quando mi sono sposato.

Ah! Quanto tempo è passato,

quante cose hanno cambiato!

Adesso altre campane

suonano per me al mattino.

Sono quelle di San Nicola.

A suonarmi l’ultima Gloria

saranno quelle di San Nicola

e non più quelle di Sant’Agostino.

‘N OMMO CH’O SE CIAMMAVA COMBO DI Luigi Cornetto

Cristoforo Colombo

O l'ëa nasciûo

respiando l'äia de maen

o l'ëa cresciûo

e o l'aveiva faeto o battoso

corrindo pe-i caroggi.

A Zena o gh'ëa visciûo da zuveno

con tante emoscioin

çercando tra 'n porto e l'ätro

o motivo giûsto de vera ispirassion

pe poei arrivâ a-o momento

quande no ghe foisan ciû

ormezzi tanto forti

da tegnîlo imprexonòu.

Co-a frëve in te venn-e

o voeiva conosce tûtto do mistero

perché se existe solo pe navegâ

in sce tûtti i mâ

che a vitta a t'appresenta

pe poei coscì arrivâ all'attracco

donde i çê son averti

in scë caladde de tûtto o mondo.

O l'ëa 'n ommo ch'o se ciammava Combo

comme tanti ch'han visciûo

e comme tanti ätri che vivian.

Luigi Cornetto – Dialetto di Genova

UN UOMO CHE SI CHIAMAVA COLOMBO

Era nato 

respirando l’aria marina

era cresciuto

e aveva fatto il monello

correndo per i vicoli.

A Genova c’era vissuto da giovane

con tante emozioni

cercando tra un porto e l’altro

il motivo giusto della vera ispirazione

per poter arrivare al momento

quando non vi fossero più

ormeggi tanto forti

da tenerlo imprigionato.

Con la febbre nelle vene

voleva conoscere tutto il mistero

perché si esiste solo per navigare

sopra a tutti i mari

che la vita ti presenta

per poter così arrivare all’attracco

dove i cieli sono aperti

sulle calate di tutto il mondo.

Era un uomo che si chiamava Colombo

come tanti che hanno vissuto

e come tanti altri che vivranno.

GEVA… TI CIANZI di Caterina Orengo

Geva de argila russa, blö o gianca,

a terra mei ti sei,

baixà dâ lüna,

rescaudà dau sù.

Te lavuru cun u magagliu,

ti rundeli insc’i scarpui

cuntenta,

te dagu a vita

terra amiga.

Però ina stissa despeitusa ti sei,

int’i scarpui ti intri

inseme ae priete

e ti me gatigli i pei.

Se caicün u va

Int’u cö de ina valà

U resta ciacrinau,

viendu che tütu

l’è stàitu abandunau.

Suta au garavügliu de ruvei

ti cianzi,

povera terra amiga:

a pensà che ti n’hai dàitu a vita.

L’omu u se n’è andàitu

de tü u s’è scurdau

andandu a mesccià i sou giurni

int’i ruvei d’a çità.

Geva de argila russa, blö o gianca,

nu disperà:

l’omu u nu se stanca,

ti vieirai,

caicün a tü riturnerà

cun a vanga u te zirerà.

Caterina Orengo – Dialetto di Ventimiglia

ZOLLA… TU PIANGI

Zolla di argilla rossa, blu o bianca,

la terra mia sei tu,

baciata dalla luna,

riscaldata dal sole.

Ti zappo con il bidente,

tu rotoli sugli scarponi

contenta,

ti do la vita

terra amica.

Però un pochino dispettosa sei,

negli scarponi tu entri

insieme alle pietrine

e mi solletichi i piedi.

Se qualcuno va

nel cuore di una valle

diventa triste,

vedendo che tutto

è stato abbandonato.

Sotto al groviglio dei rovi

piangi,

povera terra  amica:

e pensare che ci hai dato la vita.

L’uomo se ne è andato

di te si è dimenticato

andando a mischiare i suoi giorni

nei rovi della città.

Zolla di argilla rossa, blu o bianca,

non disperare:

l’uomo non si stanca,

vedrai,

qualcuno a te ritornerà

con la vanga ti volterà.