giovedì 2 luglio 2015

DÒPPO A ÇENIE di Sergio Sileri


L'an avvistæ a-o largo
pröe in scê Zena
e ciusme di corsæ
co-a mortecicca gianca.

Campann-e no se sente
in sciâ çittæ addormïa:
solo o rosäio de galëe in desarmo
e o späximo do mâ
ch'o se lamenta.

No scöre sangue
e a gexa a l'é deserta:
un pò de poïa, un lesto contrattâ
e i òmmi accapponæ
cóntan palanche.

Piggia a chitära,
stronelladô da gïo,
affonda o cheu
e canta che in çittæ
gh'é ödô de muffa,
che solo dòppo a çenie gh'é respïo.


Sergio Sileri  - Dialetto di Genova


DOPO LA CENERE

Le hanno avvistate al largo, 
prue su Genova, 
le ciurme dei corsari 
col teschio bianco.

Non si odono campane 
sulla città addormentata: 
solo il rosario delle galee in disarmo
e lo spasimo del mare 
che si lamenta.

Non scorre sangue 
e la chiesa è deserta: 
un po' di paura, un lesto contrattare 
e gli uomini capponati 
contano soldi. 

Prendi la chitarra, 
stornellatore da giro,
affonda il cuore 
e canta che in città 
c'è odore di muffa, 
che solo dopo la cenere c'è respiro.  

Nessun commento: