FÖGURÀ di Elide Garzo

Camporosso (Imperia)

Da tempu e gente i l’àn cantau l’amù

pe’ a terra che da cüna a n’à serviu,

là, duve tüti avemu u nostru niu,

ina stissa de cö u l’arresta au sciü.

Chi parla de muntagne silenziuse,

de valae fresche d’umbra e de pastüra,

de marine tranchile, de cianüra,

chi de grosse çitae indüstriuse.

Tüti i ne dixe ben d’u sou paise:

e ciasse, e geixe, u vin, e garsunete,

i munümenti, i artisti e biteghete

au cö de l’omu i àn messu e raixe.

Duve avemu sufertu e vusciüu ben,

cun l’anima d’inturnu se gardemu,

l’è tütu nostru chelu che veghemu,

de megliu, propiu, nu’ ghe pö esse ren.

Òn girau u mundu, on vistu nasce u sù

e carà a nöte scüra, eira lagiü;

ma u ciü belu recantu ch’òn trövau

l’è u mei paise, l’è duve sun nau.


Elide Garzo - Dialetto di Camporosso

FOCOLARE

Da sempre la gente ha cantato l’amore

per la terra che da culla ci ha servito,

 là dove tutti abbiamo il nostro nido

un po’ di sentimento rimane a galla.

Chi parla di montagne silenziose,

di vallate fresche d’ombra, di pastorizia,

di mari tranquilli, di pianura,

chi di grosse città industriose.

Tutti parlano bene del proprio paese:

le piazze, le chiese, il vino, le fanciulle,

i monumenti, gli artisti, le piccole botteghe

al cuore dell’uomo hanno messo radici.

Dove abbiamo sofferto ed amato

con l’animo d’attorno ci guardiamo

è tutto nostro ciò che vediamo,

di meglio proprio non può esserci niente.

 Ho girato il mondo, ho visto spuntare il sole

e scendere la notte scura, ero laggiù.

Ma l’angolo più bello che ho trovato

è il mio paese, è dove sono nato.