NATALE L'È… di Marco Dentone

Poesia composta da un padre per la sua piccola:

De segûo l'é 'na cösa
ch'a sa tanto de speciâle
pe un figgio ch'o sente
ch'o l'arive o Natale.
Natale che paròlla
l'é difiçile capîla
ascì se i grendi
son senpre lì a dîla.
Provemmo a metise
a-o pòsto di picin
e vedde cöse ghe sciorte
pensando cian cianin.
Ecco gh'é a moæ
a cominse a fâ o pòsto
pe mette l'erbo
e ch'o segge ben dispòsto.
Se vedde o poæ
con tùtte e balette
de tanti cô
ch'o no sa ciù donde e mette!
Pöi gh'é o barba
co s'aranpighe sciù pe-a scâa
pe mette sta stella
ch'a se vedde fin da o mâ.
In cuxinn-a gh'é a nònna
ch'a prepare i raiêu
dôe setemann-e primma
e ti te i mangi zâ d'ancheu!
E o nònno o mette e lûxi
chi s'açendan e i s'asmòrto
i son dapertùtto
ascì inte l'òrto!
E pöi tùtti ancon partì
comme unn-a spediçion
pe acattâ sti regalli
ch'i no piaxo mâi a nisciun!
Mêno mâ che a vedde
tùtto sto movimento
pe sti belli "Orsetti"
o l'è in divertimento.
Perché o Natale no l'é
sôlo frenexîa:
a l'é 'na festa pe stâ
insemme in conpagnîa.
E manco de segûo
tùtto o dâ e o pigiâ
ma 'na cösa de rispetto
pe i amixi e a famiggia.
No l'é tanto façile
véddila comme i figeu
ma ghe semmo paséi tùtti
poriescimo fâlo ascì ancheu.
E l'é pròpio quello o bello do momento
aspêtâlo tùtti insemme comme i fan i nòsci picin
a parlâse e remiâse
pe scrovîse ciù vixin.
Alôa scì che poriescimo dî
cöse l'è che vaa:
poéise ougurâ de cheu
Bon Denâ!

Marco Dentone - Dialetto Di Casarza Ligure (GE)

NATALE È...

Di sicuro è una cosa
che sa tanto di speciale
per un figlio che sente
che arriva Natale.
Natale che parola
è difficile capirla
anche se i grandi
son sempre lì a dirla.
Proviamo a metterci
al posto dei bambini
e vedere cosa ci esce
pensando piano piano.
Ecco c'è la mamma
comincia a fare posto
per mettere l'albero
e che sia ben disposto.
Si vede il papà
con tutte le palline
di tanti colori
che non sa più dove metterle!
Poi c'è lo zio
che s'arrampica sulla scala
per metter questa stella
che si vede fino dal mare.
In cucina c'è la nonna
che prepara i ravioli
due settimane prima
e tu te li mangi già oggi!
E il nonno mette le luci
chi s'accendono e si spengono
sono dappertutto
anche nell'orto!
E poi tutti ancora partire
come una spedizione
per comprare questi regali
che non piacciono mai a nessuno!
Meno male che a vedere
tutto questo movimento
per questi bei "Orsetti"
è un divertimento.
Perché il Natale non è
soltanto frenesia:
è una festa per stare
insieme in compagnia.
E neanche di sicuro
tutto il dare e il pigliare
ma una cosa di rispetto
per gli amici e la famiglia.
Non è tanto facile
vederla come i bambini
ma ci siamo passati tutti
potremo farlo anche oggi.
Ed è proprio quello il bello del momento
aspettarlo tutti insieme come fanno i nostri piccini
a parlarsi e riguardarsi
per scoprirsi più vicini.
Allora si che potremo dire
cos'è che vale:
potersi augurare di cuore
Buon Natale!