(ina vota i ghe diixéva sugetùusa)
Brava. Ma cumplessà ina
stissa tropu.
Bèla... da in cadru antigu a pa' sciurtìa.
A nu fa in passu, se nu in cumpagnia
du papà e da mamà. Stu gran salopu
de tempu u l'è vurau, ma desgurdìa
a nu s'è faita ancùra; prima o dopu
i véji i se n'andreràn lasciandu a fia
sula, int'ina existensa sensa scopu.
A in biviu a resterà: o e die bagnasse
cun l'aiga beneixìa da religiun
e diventà cà e géixa, o in'ujà dasse
au spéju... pöi scangià müüxica e cansun,
dà in po' ciü a mèntu aa vita; in cuncrüxiun
nu fa rèn de pruibìu, ma desciasse.
Franco D'Imporzano - Dialetto di Sanremo
LA TIMIDA
Brava. Ma complessata un pochino troppo.
Bella... da un quadro antico sembra uscita.
Non fa un passo, se non in compagnia
del papà e della mamma. Questo gran furbastro
di tempo è volato, ma disinvolta
non s'è fatta ancora; prima o poi
i vecchi se ne andranno lasciando la figlia
sola, in un'esistenza senza scopo.
Ad un bivio resterà: o le dita bagnarsi
con l'acqua benedetta della religione
e diventare casa e chiesa, o un'occhiata darsi
allo specchio... poi cambiare musica e canzone,
dare un po' più ascolto alla vita; in conclusione
non fare nulla di proibito, ma svegliarsi.
Nessun commento:
Posta un commento