RENASCE di Enrica Arvigo

Renasce 'na mattin de primmaveia 
inte 'n recanto do mondo 
e navegâ inta luxe do sentê 
solitäio 
co-o vestî legio de rozâ. 
Avei inte moæn o sô 
e i crestalli da scciummæa, 
co-a sò ànima d'arzento 
abbarlugâ 
e l'infinïo incornixòu da-o lampo 
e da-o bæxin. 
E pòi, sciortî into vento. 
A vitta a ne responde 
e, sotta e dïe, a l'é unn'ægua sottî 
ch'a lëze e öe do sën comme 'nte 'n spegio.

Enrica Arvigo – Dialetto di Genova

RINASCERE 

Rinascere un mattino di primavera

in un angolo del mondo

e navigare nella luce del sentiero

solitario
con il vestito leggero di rugiada.

Avere nelle mani il sole
e i cristalli della fiumana,

con la sua anima d'argento

abbagliata

e l'infinito incorniciato dal lampo

e dall'acquerugiola.

E poi, uscire nel vento.

La vita ci risponde

e, sotto le dita, è un'acqua sottile

che legge le ore del sereno come in uno specchio.