Sanremaschi de marca nustrana,
a sercamu de ben manezà
u timun tant’in tèra che in mà.
Nui a gh’amu in parlà maradurnu,
ma ciü ciaru da lüxe du giurnu:
u l’è scì, candu gh’è da sgubà,
ma u l’è na, candu a dimu de nà.
A tratamu cui ganti i furèsti
e a nu semu de maragrèsti,
ma a ghe dimu, si vèn cui bidùi,
che Sanremu u l’è nostra de nui.
I sun stai sanremaschi nustrài
cheli ciü de milanta magai
chi han triau l’armeleu cian cianin,
d’in rivassu faghèndu in giardin.
Cun stu su cuscì regulàu
c’u funsciuna c’u pà pagàu,
ti ne piaxi de
longu de ciü:
ti ne piàxi, perché ti sei tü!
Ti ne piaxi pe-e tò spassegiate
e p’i toi cundiùi
de pumate:
s’a partimu, u ne
pà de murì…
sensa u tò
Campanìn de San Scì!
Adesciate! Adesciate, véju leùn
au din dan du tò campanùn !
Issa a testa! Drissa u cuin !
Aiga ae corde! … E p’e-e gure!... Vin!!!
Antonio Rubino – Dialetto di Sanremo
SVEGLIATI VECCHIO LEONE
Sanremaschi di marchio nostrano,
cerchiamo di maneggiare bene
il timone tanto in terra che in mare.
Abbiamo una parlata grezza
ma più chiara della luce del giorno:
è sì, quando c’è da sgobbare,
ma è no, quando diciamo di no.
Trattiamo coi guanti i forestieri
e non siamo degli scortesi
ma diciamo loro, se vengono con le fregature,
che Sanremo è nostra, di noialtri.
Sono stati Sanremaschi nostrani
quel gran numero di magagli
che hanno tritato rocce friabili pian pianino,
di una scarpata facendo un giardino.
Con questo sole così regolato
che funziona che sembra pagato,
ci piaci sempre di più:
ci piaci, perché sei tu!
Ci piaci per le tue passeggiate
e per le tue insalate di pomodori:
se partiamo, ci sembra di morire…
senza il tuo Campanile di San Siro!
Svegliati! Svegliati, vecchio leone!
al din dan del tuo campanile!
Alza la testa! Drizza il codino!
Acqua alle corde!... E per le gole! … Vino!
Nessun commento:
Posta un commento