U LAVADÙ di Gino De Mori

Sanremo - Lavatoio di Via Morardo

In tempu, pé lavà robe e strasse

a maire, a làla e a cumà

i s’aissava de bon’ura pé purtasse

conca e fagotu da lavà

int’a ciassa da Ciapéla o da Marina

duve u gh’eira aiga a vuluntà

che a Cumüna a regalava a-a sitadina

pé agiütala int’e fatighe de cà.

L’eira in scitu ditu “u lavadù”

in véru burdèlu de vuuxi e de criùi

candu l’aiga a rujava int’u candù

d’in lensö faitu de pissu… e de tacùi.

E intantu e lenghe sempre in muvimentu

de ste done lavandaire e ciapetèire

i nu perdeva vöja né u mumentu

pe sparlà da vere sarpeleire!

E alantù giüdisci, e pöi cundane

e buxie cuntae sempre ciü grosse

l’eira u pan de ste casane

ch’i se scialava fin in te osse!

Tantu da puré dì che u lavadù

u l’eira in tribunale sensa apèlu

u l’era in parlamentu duve ancù

ciache diritu u se puxeva avélu.

E intantu l’aiga a curreva s-ceta

rujandu int’i lagheli e caminendu

sensa pé rèn cürasse de chi ciapéta

e cume s’a cantasse e… ancù riendu!

Gino De Mori – Dialetto di Sanremo

IL LAVATOIO

Un tempo, per lavare vestiti e stracci

la madre, la zia e la comare

si alzavano di buon’ora per portarsi   

conca e fagotto da lavare

nella piazza della Ciapéla o della Marina

dove c’era acqua a volontà

che il Comune regalava alla cittadina

per aiutarla nelle fatiche di casa.

Era un sito detto “u lavadù”

un vero bordello di voci e di grida     

quando l’acqua scorreva nel candore

di un lenzuolo di pizzo… e di pezze (rattoppi).

E intanto le lingue sempre in movimento

di queste donne lavandaie e pettegole

non perdevano la voglia né il momento

per sparlare da vere donne di malaffare.

E allora giudizi, e poi condanne

e bugie raccontate sempre più grosse (ingrandite)

era il pane di queste briccone

che si scialavano fino all’osso!

Tanto da poter dire che il lavatoio

era un tribunale senza appello

era un parlamento dove ancora

ogni diritto si poteva averlo.

E intanto l’acqua scorreva chiara,

sgorgando neilavandini e proseguendo

senza curarsi affatto di chi spettegola
 e come se cantasse e … ancor ridendo!