lunedì 10 novembre 2014

T'ASPEITERHÒN di Livio Tamagno

Vincent Van Gogh - Cipressi (1889)

Quandu ascì pe' tü u suu u l'averhà asmurltzau i soei reflèssi...
Aregorldaté che t'aspeiterhòn curhì, a l'umbla ri ciprèssi.
Te piglierhòn a man, ti me darhài a tua man,
E' se n'anderhemu vèlsu unde i dì de valuu ciü i nu han.
Se dirhému e parhole che plimu e nu sun mai stae diite,
Comu tüte quele autre, za tantu repetüe è scriite.
D'aspeitarlte pasciènza averhòn comu avìa alauu,
Comu quandu aspeitàva u mei suu, t’aspeitàva amuu.
T'aspeiterhòn, ma me racumàndu, cuita nu agliee,
Piglia ancuu tütu loche a vita a te dà de bon, ogni piaijee.
Tèmpu n'averhému alauu, nui dui, de viagiaa,
E' andarlsene unde mai pensavàmu d'andaa.
Cu-i passaporlti, anche scadüi, gh'anderhému vurhentee,
Sènza ciü pensaa aa data che se deverhìa revegnii enderee,
Perlché u nostru viagiu, scadènza ciü u nu l'averhà;
U serhà u ciü longu, u ciü bèu: u se ciàma eterlnità!
Se alauu, u nostru andaa u l'averhà ancuu de ciü u passu stancu...
A nu fa rèn. Loche conta u serhà d'esse numa fiàncu a fiàncu.

Livio Tamagno – Dialetto di Baiardo



TI ASPETTERÒ
Quando anche per te il sole avrà spento i suoi riflessi…
Ricordati che ti aspetterò colà, all’ombra dei cipressi.
Ti prenderò la mano, tu mi darai la mano,
E ce ne andremo verso dove i giorni non hanno più valore.
Ci diremo le parole che prima non sono mai state dette,
Come tutte le altre, già tanto ripetute e scritte.
Di aspettarti pazienza ne avrò come avevo allora,
Come quando aspettavo il mio sole, ti aspettavo amore.
Ti aspetterò, ma mi raccomando: non aver fretta,
Prendi tutto ciò che la vita ti dà di bello, ogni piacere;
Tempo ne avremo allora noi due di viaggiare,
Ed andarse dove mai pensavamo andare.
Con i passaporti anche scaduti ci andremo volentieri,
Senza più pensare alla data che si dovrebbe ritornare,
Perché il nostro viaggio, scadenza più non avrà;
Sarà il più lungo, il più bello: si chiama eternità!
Se allora, il nostro andare avrà ancor di più il passo stanco…
Non importa. Ciò che conta sarà di essere soltanto fianco a fianco.

1 commento:

DOLCEDO SOCIAL CLUB ha detto...

Una delle più belle poesie in dialetto che abbia mai letto, come accendere un'emozione. grazie tommaso