CU-U PAIRE GRANDE INT’A VIGNA di Aldo Bottini

«Mangiate in pèrsegu, vegni mei nevu!

Ma u vesse sernüu bèlu maüru,

stu chi presempiu u l’è ancù düru:

u l’è asgairau, a nu vurerevu…

Gardamu sti chi, i sun cheli giali,

muscateli e dursci cume l’amé.

Sacranun! de maüri u nu ghe n’è:

u ne tuca carà de suta pe’ piali.

A prima cianta i sun ras-ciadenti,

i han a pasta gianca e prefümà.

S-ciapaì, ma ciü tardìi, cheli de là.

U ghe n’è ün ch’u l’è cruàu da-u ventu,

piate stu lì, rexentalu in cicin,

e tegni l’ossu ch’a i vöju semenà.

Pöi pia u fiaschetu, lì int’a mandià:

sce-u persegu u ghe vesse in diu de vin!»

Aldo Bottini – Dialetto di Sanremo

COL NONNO NELLA VIGNA

«Mangiati una pesca, vieni nipote mio!

Ma bisogna sceglierla ben matura,

questa per esempio è ancora dura:

è sciupata, non vorrei…

Guardiamo queste, sono quelle gialle,

moscatelle e dolci come il miele.

Accidenti! Di mature non ce ne sono:

dobbiamo scendere di sotto per prenderle.

Quelle della prima pianta sono duracine,

hanno la polpa bianca e profumata.

Spaccarelle, ma più tardive quelle di là.

Ce n’è una caduta per il vento,

prenditi quella, sciacquala un pochino

e conserva il nocciolo che li voglio seminare.

Poi prendi il fiaschetto, lì nel “fagotto”:

dopo la pesca ci vuole un dito di vino!»