A DONETTA DE CAREGHE di Sandro Patrone

Co-a testa ascoza sott’a-a sò veletta
vestia de neigro a ven da-a sagrestia
e destegando quarche avemaria
a se segna con l’ægoa benedetta; 

a leva o mocco a quarche candeietta
a remescia e careghe fia pe fia,
a n’azonze, a ne leva, a ne regîa,
baxâ da-o sô ch’o l’intra da-a lunetta; 

o Cristo, ch’o sta in croxe in sce l’artâ,
o risponde a-o pregâ con un sorizo
e o ghe confîa che –quande in Paradizo
o Sò Paddre Celeste o se-a pigjâ– 

pe l’eterno ripözo da donetta
in Çê ghe saiâ za ‘na careghetta.

Sandro Patrone – Dialetto di Genova

LA DONNINA DELLE SEGGIOLE

Con la testa nascosta sotto alla sua veletta

vestita di nero viene dalla sacrestia

e recitando qualche avemaria

si fa il segno della croce con l’acqua benedetta;

leva il moccolo a qualche candelina

rovista le sedie fila per fila,

ne aggiunge, ne toglie, ne rigira,

baciata dal sole che entra dal lucernaio;

il Cristo, che sta in croce sull’altare,

risponde al pregare con un sorriso

e le confida che – quando in Paradiso

il suo Padre celeste se la prenderà –

per l’eterno riposo della donnina

in Cielo ci sarà già una seggiolina.