Au Soudan u ciamavamu tüti U Maistru
Ina bela ruve…
Cheli ch’i passava dau camin pè andà in Luvaira
e a vegava, in Fulavin, auta ciü che e autre
e sana, aissàsse d’in te l’übagu de a riana.
Duve a l’eira nàa? Atacà a ina roca apésa…
ma a l’è cresciüa, e raixe ben afunde:
cu e prie ciü dure a nu s’è mai aresa…
E tantu u l’eira u pesu; ma tantu gh’eira da andà avanti:
andà sempre ciü a fundu, che custe loche custe…
tantu l’eira a sua natüra.
Ma in giurnu d’aiga e ventu…
Chi sa cume…
U l’è bastau in segundu.
I l’an vista stesa lì in tera
e rame longhe cume brassi
da andà a tocà, ciàche recantu:
a tocà u figu, l’amàndura
e a mùrtura…
e giü fin int’in canéu duve
i desgenài ruvèi i l’an trövau l’agantu…
au fundu, pöi,
raixe e roca, insème,
ormai ina cousa sura…
Avura
u vöiu certu u gh’è, i u pön vé tüti;
ma ren va persu: a cianta a l’è de ména
e in gran carù ne è nau, pe’ i inverni brüti.
Elio Maccario - dialetto di Soldano
Una bella quercia...
Quelli che passavano dalla mulattiera per andare in Luvaira,
la vedevano in Fullavin, alta più di ogni altra cosa
e vigorosa, alzarsi dal baccio del ritano.
Dove era nata? Abbarbicata da una roccia a strapiombo…
ma è cresciuta, le radici ben profonde:
con le pietre più dure non si è mai arresa…
E tanto era il peso; pure, occorreva andare avanti:
andare sempre più a fondo,costi quel che costi…
tanto, era la sua natura.
Ma un giorno di acqua e vento…
chissà come..
è bastato un secondo.
L’han vista lì stesa a terra
i rami lunghi come braccia,
come ad andare a toccare ogni angolo:
a toccare il fico, il mandorlo
e il mirto…
giù fin nel canneto, dove
gli estroversi rovi l’han trovato, il loro appiglio…
in fondo, poi,
radici e roccia, fuse insieme,
ormai una cosa sola.
Ora
il vuoto certo c’è, lo possono vedere tutti;
ma niente si deve perdere: la pianta è di qualità
e un gran calore ne è nato, per gli inverni brutti.
Nessun commento:
Posta un commento