U REDENTÙ di Dante Zirio

U ventu u sciùscia sci e chele roche

da ciache làu, estàe e invèrnu,

lasciü sci a cresta vixin au Sciacarélu,

duve i scibra sbuìe e marmote

e i nia vurpi, luvi, camùsci e stambéchi

e a  l’inturnu i vöra cun autri uxeli i farchéti:

là u Sacru Cöe incurunàu u pòusa in etèrnu.

De prìma, poucu logni, u s-ciopa in prefundu de sciure:

burgugnùi, cardi, lampùi e mirtili

e margarite, brüghi, fraguline e lavanda

cum’i nun te scurdà de mi ascì e stele arpine

ch’i dan mascimu prufümu a u nostru Redentù

vusciüu issà li pe’ a fede de tanti sciti,

in tu 1902, aposta lì scia sima ciü auta

da Ligüria, terra de marinai e arpin.

Tüti i agni a a prima duménega d’avustu

omi, done, vei e zueni

i van ai söi pei a pregà cun amù:

“Agiütane a crede nui töi devoti e dane

a speransa da vita celeste che ti n’ài prumessu Tü!”

Dante Zirio - Dialetto di Ospedaletti

Da U Giacuré 2016

IL REDENTORE

Il vento soffia su quelle rocche

da qualunque lato, estate e inverno,

lassù sulla cresta vicino al Saccarello,

dove fischiano spaventate le marmotte

e fanno il nido volpi, lupi, camosci e stambecchi

e intorno volano con gli altri uccelli i falchetti:

là il Sacro Cuore incoronato riposa eterno.

Di primavera, poco lontano, fioriscono tanti fiori:

rododendri, cardi, lamponi, mirtilli

e margherite, erica, fragoline e lavanda

con i non-ti-scordar-di-me anche le stelle alpine

che danno un grandissimo profumo al nostro Redentore

voluto erigere lì per tutta la fede di tanti di questi luoghi,

nel 1902, proprio lì sulla cima più alta

della Liguria, terra di marinai e alpini.

Tutti gli anni la prima domenica d’agosto

uomini, donne, vecchi e giovani

si recano ai suoi piedi a pregare pieni d’amore.

“Aiutaci a credere noi tuoi devoti e dacci

la speranza della vita celeste che ci hai promesso Tu!”