O CIÙ BELLO SCHERSO di Sergio Sileri

O l'è o ciù bello scherso
quest'òmmo ch'o no veu sentîse bestia.
E o l'à parlòu co-i àngei
do Paradiso eterno
da gloria feua da tæra e da vergheugna
e o s'è ciammòu sapiente.

No gh'è serpente ciù de lê serpente,
farco ciù farco,
vorpe ciù vorpe,
calunniatô ciù fòrte.

Usurpatô de croxe anche da mòrto,
comme pe dî che, scì,
deve restâ o ricòrdo,
l'immàgine beata
da botte de veleno,
do càrego de poïa,
de l'òmmo giusto e santo
veneratô de Chi o l'à misso in croxe.

Sergio Sileri – Dialetto di Genova

IL PIU’ BELLO SCHERZO

È il più bello scherzo

quest'uomo che non vuol sentirsi bestia.

E ha parlato con gli angeli 

del Paradiso eterno

della gloria oltre la terra e la vergogna 

e si chiamò sapiente.

Non c'è serpente più di lui serpente

falco più falco

volpe più volpe

calunniatore più forte.

Usurpatore di croci anche da morto,

come per dire che, sì,

deve restare il ricordo,

l'immagine beata

della botte di veleno,

del carico di paura,

dell'uomo giusto e santo

veneratore di Colui che mise in croce.