domenica 12 giugno 2016

STORIA ARABA di Dino Ardoino


In àrabu füriùusu e desperàu
perché u nu se puixeva revengià
du padrun ch’u u pairava a cujunà
in prübicu, l’agiütu u l’ha sercàu

du so Allah. Fin che a forsa de pregà
da l’àutu in bèlu giurnu u vèn ciamàu
da ina vuuxe putente ch’a gh’ha dàu
stu cunseju dighèndughe: «Tü fa

in penscïeru in sce a gràssia che ti vöi
e a t’assegüru che ti l’averài.
Ti l’averài, ma garda bèn che pöi

au ciü cuchin nemigu che ti l’hai
giüstu u dugiu di dexidéri töi
a ghe destinerò, cuscì ti u sai».

«Alù» u rispunde l’àrabu «mi a vöju
ch’u me vegne inurbìu sübitu in öju».



Dino Ardoino – Dialetto di Sanremo


STORIA ARABA

Un arabo furioso e disperato
perché non riusciva a vendicarsi
del padrone che lo scherniva ripetutamente
in pubblico, l’aiuto ha cercato

del suo Allah. Finché a forza di pregare
dall’alto un bel giorno viene chiamato
da una voce potente che gli ha dato
questo consiglio dicendogli: «Tu fai

la domanda sulla grazia che vuoi
e ti assicuro che l’avrai.
L’avrai, ma guarda bene che poi

al peggior nemico che tu hai
giusto il doppio dei desideri tuoi
destinerò, così lo sai».

«Allora» risponde l’arabo «io voglio
che mi venga accecato subito un occhio».

Nessun commento: