ÇERIANA di Antonio Crespi

Ceriana (Im)

Cae atacae â roca
Cume se u Padreternu
U ghe e avesse tirae
D’ensciü, a bele manae,
Ina matin d’uvernu, per fa’ prestu
E lavàssene e mae.

E tüte a sgarbi cume i arbinai
Sensa ch’in sacia mai
Da che parte se gh’entra;
E drente e àve e a çeira
E l’amè duçe cume in ri’ de maire
E in giügà de figliöi
Spremüu d’â terra, dai ruvei, dai pin,
Dae sciure d’i faixöi,
Dae castagne, dae vie, dai resveglin
D’ê funtane che cantan,
Dae rame storte arrecamae d’ourive
Che cume brasse de persune vive
Strusciae dai stenti, stanche, tremurandu
Pa’ ch’i preghen cui frati
Mandai da Benedetu, chissà candu.

Au fundu l’aiga chieta de l’Armea

In po’ ciara, in po’ nu’,
A ruglia sempre e a nu’ se stanca mai;
De di’, de nöite, â matin prestu, â seira,
D’estae, d’uvernu sempre ela a camina,
Sensa sentì nisciün, versu a marina
Cume per dighe a tüti

Che begna andà dunde in è arrivai.

 çima, u campanin de Sant’Andrea,
Dritu cume l’antena d’ina barca
Ch’a l’à per vera u cielu,
U marca u tempu e u segna
Dun’ ti devi passà
Se ti vöi sta’ cuntentu.

Ma a tegne inseme e cae,
Cume ina maire bona,
D’â Vila gh’è a Madona
Ch’a pensa a tütu e ch’a nu’ va’ mai via,
E â matin, e â seira
Per tüti a sona sempre,
Cume in’eterna sinfunia d’amù,
L’Avermaria.

Antonio Crespi – Dialetto di Ceriana

CERIANA

Case attaccate alla roccia

Come se il Padreterno

Ce le avesse tirate

Dall'alto, a belle manciate,

Una mattina d'inverno, per far presto

E lavarsene le mani.

E tutte traforate come alveari

Senza che si sappia mai

Da che parte entrare;

E dentro le api e la cera

E il miele dolce come il sorriso di una madre

E un giocare di bambini

Spremuto dalla terra, dai rovi, dai pini,

Dai fiori dei fagioli,

Dalle castagne, dalle viti, dai gorgoglii

Delle fontane che cantano,

Dai rami storti ricamati di olive

Che come braccia di persone vive

Sfinite dalle fatiche, stanche, tremando

Sembra che preghino coi frati

Mandati da Benedetto, chissà quando.

Al fondo l'acqua quieta dell'Armea

Un po' chiara, un po' no,

Scorre sempre e non si stanca mai;

Di giorno, di notte, al mattino presto, alla sera,

D'estate, d'inverno sempre cammina

Senza sentire nessuno, verso il mare.

Come per dire a tutti

Che bisogna andare da dove si è arrivati.

In cima, il campanile di Sant'Andrea,

Diritto come l'antenna di una barca

Che ha per vela il cielo,

Indica il tempo e segna

Dove devi passare

Se vuoi stare contento.

Ma a tenere insieme le case,

Come una buona madre,

Della Villa c'è la Madonna

Che pensa a tutto e che non va mai via

E al mattino, e alla sera

Per tutti suona sempre,

Come un'eterna sinfonia d'amore,

L'Avemaria.