U MEGU (FELICE CASCIONE) di Vincenzo Bolia

E l’axevi ciappau in nemigu,
i vuxevan fuxilalu
quèlli da tò brigata
ma ti ti ghe l’èi impediu dixendu:
vegheṛei cu cangeṛà… -
cusscì u m’ha cuntau in veggiu partigian.
Quéllu li u nu l’ha capìu e u nu l’è cangiau
e pé zunta u v’ha tradiu
peui u l’ha fètu ciappä i toi cumpaggni;
e tì che ti l’eṛi in ta buscaïa,
pé sarvane ün da morte següṛa,
ti sèi sciurtìu au scuèrtu criandu:
“Il capo sono io!”
e velli i t’an crivelau da mille curpi de sccieuppu.
Tanti anni i sun passei da quéllu giurnu
e u ricordu u l’è in po’ sbiadiu,
speṛemmu peṛò ch’u nu veggne cancellau
in gèstu cusscì grande d’amù e altruismu.

Vincenzo Bolia – Dialetto di Albenga

IL MEDICO
(FELICE CASCIONE)

Avevate catturato un nemico,
volevano fucilarlo
quelli della tua brigata,
ma tu l’impedisti dicendo:
vedrete che cambierà… -
così mi raccontò un vecchio partigiano.
Quello li non capì e non cambiò
e per paga vi tradì,
poi fece catturare i tuoi compagni;
e tu che eri nascosto nella boscaglia,
per salvarne uno da morte certa,
uscisti allo scoperto gridando:
“Il capo sono io!”
e fosti crivellato da mille colpi di fucile.
Tanti anni son passati da quel giorno
e il ricordo è un po’ sbiadito,
speriamo che non venga cancellato
un gesto sì grande d’amore e altruismo.