MUMINA di Costanza Modena

A l'eira ina duneta pecenina,

seca cume ina cana, ina vejeta,

u ciciurin ben strentu in sce a cupeta,

surve a testa, in ecalibriu, ina cufina.

A muntava cianin, sciü pe' a stradeta,

issandu in po' cu' a man u gunelun,

sutrimenti a andeixeva in strambairun,

caiche vota a versava a so curbeta.

Pasandune davanti a salüava,

ben graziuusa, vurendu ciaciarà,

pusandu u so cufìn, a se fermava

ascì pe pijà u sciau, pe' respirà.

Mi a vievu me maire, in imbarassu,

ch'a sercava de métise a redossu,

Mumina a cuntinuava a ciapetà,

a nu bugiava da u mezu da muntà.

Ma ecu, ela e gambe in po' a alargava

e da sute u gunelun u ghe sciurtiva

in ruju gialu, che a revenin u carava

e pe' u camin e tra e risse u se perdeva.

Mumina ina cega a nu faixeva,

cuntinuandu u discursu, tütu ben;

a vieivu me maire ch'a rieva

fassendu mustra de nu avé vistu ren.

Costanza Modena – Dialetto di Sanremo

MUMINA (FILOMENA)

Era una donnetta piccola,

secca come una canna, una vecchietta,

con la crocchia di capelli ben stretta sul capo;

sulla testa, in equilibrio, una cesta.

Saliva lenta su per la stradina,

alzando la sottana con la mano,

altrimenti poteva inciampare e cadere,

qualche volta aveva già rovesciato il contenuto della sua cesta.

Nel passare davanti a casa salutava,

gentilmente, voleva fare due chiacchiere.

Posava il cesto a terra, si fermava

anche per riprendere fiato, per respirare.

Vedevo mia madre, in imbarazzo,

che cercava di mettersi più in alto di lei.

Mumina continuava a chiacchierare,

senza muoversi, nel mezzo della salita.

Ma ecco, allargava un po' le gambe,

e le usciva da sotto la lunga gonna

un ruscelletto giallo, che4 scendeva a rivoletti

giù per la strada e si perdeva nell'acciottolato.

Mumina non si scomponeva,

continuando il suo discorso;

vedevo mia madre che rideva,

facendo finta di non aver visto nulla.