POEXIA di Sandro Patrone

Questo o l'é o pròu:

de mi quande corrivo
appreuo à farfalle grende comme a man,
de mi quande çercavo
quello che paiva fïse o mæ doman.

Questo o l'é o pròu:
de mi dovve m'accoëgo
quande o tempo o me lascia do respïo,
de mi quande no fasso tante somme
pe dâ meno de quante veuggio avei.

Questo o l'é o pròu:
de mi quande no penso
comme ò da fâ e quante ò da bregâ
pe scrovî 'nna veitæ ò 'nna böxìa,
de mi dovve m'aspëto

che vegne gente: e fâse compagnìa.

Sandro Patrone – Dialetto di Genova

POESIA

Questo è il prato:

mio da quando rincorrevo

farfalle grandi come la mano,

da quando cercavo

quel che pareva sarebbe stato il mio domani.

Questo è il prato:

dove mi corico

quando il tempo mi lascia respiro,

quando non faccio tanti calcoli

per dare meno e avere di più.

Questo è il prato:

per i momenti in cui non penso

a come devo darmi da fare

per scoprire una verità o una bugia,

il mio prato dove attendo

che venga gente: e farci compagnia.