L’AIGA DA RIANA di Renzo Villa

In scî bàussi da riana

sgurra l’aiga nöte e giurnu

e se sente, lì a l’inturnu,

chel’antiga sou matana,

sempre vecia, sempre növa,

come a foura du bestentu

ch’a l’è longa ciü che u ventu

e che u fì u nu se gh’atröva.

Sempre u meiximu camin,

d’in scê cole in sciâ marina

e pöi turna sciü in sciâ çima.

Cume a roda d’in murin,

nu se sa duve a cumense

e ni duve a l’age fin.

Renzo Villa – Dialetto de La Mortola

L’ACQUA DEL RIGAGNOLO

Lungo i massi del rigagnolo

scorre l’acqua notte e giorno

e si sente, tutto intorno,

quell’antico suo lamento,

sempre vecchi, sempre nuovo,

coma la fiaba del bestento

che è lunga più del vento

e il cui nesso non si trova.

Sempre lo stesso cammino

dai colli al mare

e poi nuovamente in alto.

Come la ruota di un mulino,

non si sa dove abbia inizio

né dove abbia fine.