T’Ö RIVISTO A-O 25 ARVÌ di Andrea Puri

T’ö visto in ciassa Romma stamattin

insemme a quelle facce ormâi rûghæ

de ardimentôsi partigiæn de allôa

inciodæ in sce l’attenti, fûrminæ

da-e notte acûte de ‘na veggia tromba

comme statue scolpïe in ta fréida prïa,

rocce arranchæ lasciû in sci nostri monti

dove éi patïo, dispersi in ti casoin,

famme, freido, ferïe, rastrellamenti

e spesso ascì tortûe e fuxillazioin.

Mentre o dixeia ûn oratô da-o palco

de tanti amixi ch’an lasciou a vitta

combattendo pe’ a nostra libertæ

ö visto, ben distinte, brillâ a-o sô

due lagrime ch’i t’an rigou a faccia

cazzendo ä fin in mézo a l’erba verde

comme quella di pröi bagnæ da-o sangue

de chi da-i monti no l’è tornou ciû.

Quante votte ö sentio e têu avventûe

de partigian ancon in verde etæ,

quande, purtroppo, e scelte éan solo due:

ammassâ i âtri oppûre ése ammassæ;

quante votte a scignôa con o lensêu

gianco e a sêu lûcida scurriâ

a gh’à provou con ti sensa riuscïghe

a trovâ o moddo de poeite fermâ

ma questa votta l’ûrtima battaglia

che t’æ combattûo a l’à vinta lé.

O chêu o me gonfie e da-i mæ euggi sento

due goççe câde nasce e chinâ zû

vorrièva dîte tûtto o mæ tormento

dove t’ö visto ammïo…

no ti gh’è ciû.

Andrea Puri – Dialetto di Leivi (Genova)

T’HO RIVISTO IL 25 APRILE

T’ho rivisto in piazza Roma stamattina

insieme a quelle facce ormai a rughe

di ardimentosi partigiani di allora

inchiodati sugli attenti, fulminati

dalle note acute di una vecchia tromba,

come statue scolpite nella fredda pietra,

rocce divelte lassù sui nostri monti

dove avete patito, dispersi nei “casoni”,

fame, freddo, ferite, rastrellamenti

e spesso anche torture e fucilazioni.

Mentre diceva un oratore dal palco

di tanti amici che han lasciato la vita

combattendo per la nostra libertà

ho viste, ben distinte, brillare al sole

due lacrime che t’han rigato il viso

cadendo infine in mezzo all’erba verde

come quella dei prati bagnati dal sangue

di chi dai monti non è tornato più.

Quante volte ho ascoltato le tue avventure

di partigiano ancora in verde età

quando,  purtroppo, le scelte erano solo due:

ammazzare gli altri oppure essere ammazzati;

quante volte la signora con il lenzuolo

bianco e la lucida falce

ha provato con te senza riuscire

a trovar modo di poterti fermare

ma questa volta l’ultima battaglia

che hai combattuto l’ha vinta lei.

Il cuore mi si gonfia e dai miei occhi sento

due gocce calde nascere e scendere giù

vorrei dirti tutto il mio tormento

dove ti ho visto guardo…

non ci sei più.