S-ciairùi e semìe int’a sciumbrìa da bitega
daa forgia asseesa u fögu u lascia andà.
Sce l’ancüüsa sut’ai corpi du ferrà
u s’agàriba u ferru e u se cega.
Mae aspèrte i deve i tochi acaveà:
tajà, limà, sgarbà e limà ancù.
Ténta de negru ina stissa de süù
sce-u travaju ch’u se furma a va a picà.
Tüt’inseme cumbiài cuu saldatù
sti tochi i vèn porte, graìsse e ringhéire;
e percouse i düre e prestu i nu möire
i se cröve de miniu e ina man de curù.
I cumparisce pöi, aa lüüxe bèn ciaire,
ai öji de tüti, a travaju finìu.
E rüghe i lascia u postu au faturiisu
sce-a facia düra du ferrà…, de mei paire.
Aldo Bottini – Dialetto di Sanremo
IL FABBRO
Bagliori e scintille nella penombra della fucina
il fuoco sprigiona dalla forgia accesa.
Sull’incudine sotto i colpi del fabbro
si modella il ferro e si piega..
Mani esperte devono i pezzi sistemare:
tagliare, limare, forare e ancora limare.
Tinta di nero una goccia di sudore
sul lavoro che si forma va a cadere.
Tutti insieme combinati e saldati
i pezzi diventano porte, grate e ringhiere;
e affinché durino a lungo nel tempo
vengono coperti di antiruggine e verniciati.
Compaiono poi, alla luce ben chiari,
alla vista di tutti, a lavoro finito.
Le rughe ora cedono al sorriso
sul volto duro del fabbro…, di mio padre.
Nessun commento:
Posta un commento