Perché in silensio pâ che vive o lìgure
indifferente a-i inni da Poexìa,
mancandoghene l'estro e l'armonia
a-o linguaggio che s'usa dispressâ
tacciàndolo de vero trafficante
solo taggiòu pe l'arte do mainâ,
andæ, çercælo là in quelle casette
rùsteghe, vege, meze deroccæ,
ma co-i barcoin averti in faccia a-o mâ,
ma con o teito sotta e oeive e i pin
à San Fruttoso andæ de Portofin,
dovve canta a natùa poemi eterni;
dovve se vedde a-o nasce da mattin,
quande s'addescia l'öxellin ferrâ
o çê fâse de perla e o mâ turchin
dovve se vedde, inta profonda neutte,
i pianeti rifléttise in sciô mâ...
fantasmi luminosi i bastimenti
comme in seunno lontan se vedde andâ
mentre o silensio o pòrta solo o canto
che in scî scheuggi imbottïi ghe canta o mâ...
e se gonfiei e veie a-a fantasia
fùnebre nave chì veddiei vegnî,
da-o Medio Evo lìgure sciortïa:
un Döia mòrto o vegne chì à dormî,
à San Fruttoso, sotta l'abbaçìa.
Se e piràmidi son pe-i Faraoin
di mausolei pe l'eternitæ,
i Döia se son scelti Portofin
e un mâ fremente con l'umanitæ.
Se vorriei dî che là no gh'é o poeta
perché ghe manca a cetra pe cantâ,
arpa che canta a-i venti l'é a pineta;
perché e pascioin do cheu lê o no sa dîle?..
l'ulivo malincònico e gentile
o parla lê co-e feugge sò d'argento;
canta a natùa pe lê, ghe canta o vento.
Perché a poesìa ch'o sente o no â sa scrive?...
diò che ve sbaliæ de gròsso, amixi;
lê o no â canta perché in silensio o â vive.
Edoardo Firpo - Dialetto di Genova
SENZA CETRA
Perché in silenzio par che viva il ligure
indifferente agli inni della poesia
mancando l'estro e l'armonia
al linguaggio che si usa disprezzare
tacciandolo da vero trafficante
solo tagliato per l'arte del marinaio,
andate, cercatelo là in quelle casette
rustiche, vecchie, mezze diroccate,
ma con la finestre aperte in faccia al mare,
ma con il tetto sotto le olive e i pini,
andate a San Fruttuoso di Portofino,
dove canta la natura poemi eterni,
dove si vede al nascere del mattino,
quando si desta l'uccellino ferraio,
il cielo farsi di perla e il mare turchino,
dove si vede nella profonda notte,
i pianeti riflettersi sul mare...
fantasmi luminosi i bastimenti,
come in sogno lontano si vede andare
mentre il silenzio porta solo il canto
che sugli scogli ebbri canta il mare...
e se gonfierete le vele alla fantasia
funebre nave qui vedrete venire
uscita dal Medio Evo ligure:
un Doria morto viene qui a dormire,
a San Fruttuoso, sotto l'abbazia.
Se le piramidi sono per i faraoni
dei mausolei per l'eternità,
i Doria si sono scelti Portofino
e un mare fremente con l'umanità.
se vorrete dire che là non c'è il poeta
perchè gli manca la cetra per cantare,
arpa che canta ai venti è la pineta;
perché le passioni del cuore non sa dirle?...
l'ulivo malinconico e gentile,
parla con le sue foglie d'argento;
canta la natura per lui, canta il vento,
Perchè la poesia che sente non la sa scrivere?...
dirò che vi sbagliate di grosso, amici,
lui non la canta perché la vive in silenzio.
Nessun commento:
Posta un commento