venerdì 17 aprile 2015

A TOMPIA SCE U TERRASSIN di Emilia Ramò



Int’ina meza bute u frai
u l’aixeva sce u terrassin da ca’,
au sestu cian, unde,
se u s’afaciava, u carrugetu
u paixeva ciü scüru, ciü stretu,
ciantàu ina via pe’ a tompia.
Tüti i agni elu u a sciuscetava
de surfanu pe’ fara ben sciurì.
Faita gaiarda, cuvertu u terrassin,
rusci e pignai i söi rapi i l’eira
e u su, che drentu u ghe giügava,
int’a so’ lüüxe, i paixeva de sanghe vivu,
intramentre e föje de smerardu,
chi e là de sciumbria i se tachezava.
U frai, sce ina carega sbursa
u ghe perdeva i oj dau piaixé,
perlecanduse per tanti, tanti agni
cun ‘sti aixineli dursi, rundi e grossi.

Veju, cun i fiöi u l’è duvü u andà,
lasciandu a ca’, u terrassin, a via,
ma sce u mudernu elu u ghe lanchiva
pensandu ai agni andài, au carrugetu,
e cume a traja surve u terrassin,
che sensa u sùrfanu du frai a reperiva,
sugnàndura, cian cian u a seghiva.



Emilia Ramò – Dialetto di Sanremo


LA PERGOLA SUL TERRAZZINO

In una mezza botte lo zio
aveva sul terrazzino della casa,
al sesto piano, dove,
se si affacciava, il vicoletto
sembrava più scuro, più stretto,
piantato una vite per la pergola.
Tutti gli anni la insufflava
di zolfo per farla fiorire bene.
Fattasi gagliarda, coperto il terrazzino,
rossi e serrati i suoi grappoli erano
e il sole, che dentro vi giocava,
nella sua luce, sembravano di sangue vivo,
mentre le foglie di smeraldo,
qua e là di ombra si intaccavano.
Lo zio, sopra ad una sedia sgangherata
ci perdeva gli occhi dal piacere,
leccandosi i baffi per tanti, tanti anni
con questi acini dolci, rotondi e grossi.

Vecchio, con i figli è dovuto andare,
lasciando la casa, il terrazzino, la vite
ma nella modernità egli languiva
pensando agli anni andati, al vicoletto,
e come il tralcio sopra il terrazzino,
che senza lo zolfo dello zio avvizziva,
sognandola, piano piano la seguiva.


Nessun commento: