giovedì 4 giugno 2015

BRAIXINÀ di Pia Viale


Çene,
çene grixia
l’è chelu ch’aresta
dopu in fögu…
Cume e legne
aiscì i sentimenti
i se cunsüma adaixòtu,
o i se brüxia inte ren
se l’è in fögu de sbrundiglie.
Ma suta a chela çene de çepi boi
aresta sempre ina braixinà,
caicousa che nu s’asmorcia
e candu ti aretissi u to cö
ti t’acorgi
che cian cianin
u bate ancù in po’…
A braixinà a cunserva a carù,
a carù a nu l’è autru che amù.


Pia Viale – Dialetto di Vallebona


BRACE

Cenere,
cenere grigia
 è ciò che resta
dopo un fuoco…
Come la legna
anche i sentimenti
si consumano piano piano,
o bruciano rapidamente
se è un fuoco di rametti.
Ma sotto a quella cenere di ceppi buoni
rimane sempre una brace,
qualcosa che non si spegne
e quando ravvivi il tuo cuore
ti accorgi
che pian pianino
batte ancora un po’…
La brace conserva il calore,
il calore non è altro che amore.

Nessun commento: