TÈMPU PÈRSU di Dino Ardoino

Omu sacènte mei barba Tunìn.

Mi a me credevu ch’u savesse tütu

cande – a l’éiru fiùrin – cun u so agiütu

a müüxica a imparavu e u mandurin.

U me dixéva. «Garda che u l’è brütu

esse ignuranti. Stüdia, Bernardin

cuscì da grande, da bon Arduin,

se ti serài asbìu e resulütu

mustràte in gamba alù ti purerài».

Cun in po’ d’ingréese e de franséese, ascì

u m’insegnava (giurni urmai luntài)

l’üüsu di vèrbi che ancù avù pe’ mi

i sun, scrivèndu, arnéexi… delicai.

E se a ghe dumandavu: Ma stu lì

che tèmpu u l’è?» Metèndu e couse in schèrsu

u rispundeva: «Ahimì, u l’è tèmpu pèrsu».

Dino Ardoino – Dialetto di Sanremo

TEMPO PERSO

Uomo sapiente mio zio Antonio.

Io credevo che sapesse tutto

quando - ero piccoletto – con il suo aiuto

la musica imparavo e il mandolino.

Mi diceva: «Guarda che è brutto

essere ignoranti. Studia, Bernardino

così da grande, da buon Ardoino,

se sarai sveglio e intraprendente

mostrarti in gamba allora tu potrai».

Con un poco di inglese e di francese, pure

m’insegnava (giorni ormai lontani)

l’uso dei verbi che ancora ora per me

sono, scrivendo, arnesi… delicati.

E se gli domandavo: «Ma quello lì

che tempo è?» Mettendo le cose in scherzo

rispondeva: «Ahimè, è tempo perso».