Cu’i cavégli negri pentenài int’ina tréssa
e l’elegança sugetùsa d’a tòu fegüra,
ti miri u mundu cu’in spàiřu faturisu
ch’u l’ascunde i soni d’a tòu zuventüra.
Cume ti eiri bèla, mà…
Passa u tempu: ghèrra, famìglia, vita düra.
Giurnàe fatigàe fra campagna e fögurà;
e ure i nu’ basta mai pe’ fà loche gh’è da fà.
I ani i te tenze i cavégli gianchi cume a neve.
Cume ti ai trebülàu, mà….
Seréna infin, au lampecàn d’u tòu camìn,
te cunforta l’amù pe’ u tòu Scignù;
cun l’ürtimu suspiru ascusu int’in faturisu,
i tòu ögli stanchi i s’asmorsa ciancianìn.
Cume ti me manchi, mà…
Roberto Rovelli – Dialetto de La Mortola
OH MAMMA…
Con i capelli neri pettinati in una treccia
e l’eleganza timida della tua persona,
osservi il mondo con un pallido sorriso
che nasconde i sogni della tua giovezza.
Come eri bella, mamma…
Passa il tempo: guerra, famiglia, vita dura.
Giornate faticate tra campagna e focolare;
le ore non bastano mai per fare cosa c’è da fare.
Gli anni ti tingono i capelli bianchi come la neve.
Come hai tribolato, mamma…
Serena infine, al crepuscolo del tuo cammino,
ti conforta l’amore per il tuo Signore;
con l’ultimo sospiro nascosto in un sorriso,
i tuoi occhi stanchi si spengono poco a poco.
Come mi manchi, mamma…
Nessun commento:
Posta un commento