A NESSA di Fernando Bagnoli

A m’ascaudava u cö

candu, pecina,

a so’ man strenta in ta mea

andaxeivimu, cian cianin,

a u longu da marina;

pöi, lasciandume,

a me mandava in baixu.

A m’ha ascaudau u cö

candu a vint’agni,

a s’è marià aa geixa du cunventu

e dopu u pransu e u balu,

prima de scapà p’andà a müasse,

a s’è girà da mi

e a m’ha mandau in baixu.

A m’ascauda u cö

ascì avù,

e a l’ha settant’agni za fai,

candu a passa a so’ man sciü mei nome

scurpìu int’a ciappa ch’a me cröve:

a scangia e sciure , a diixe dui requiem,

se fa u segnu da crùùxe

e a me manda in baixu.

Fernando Bagnoli – Dialetto di Sanremo

LA NIPOTE

Mi riscaldava il cuore

quando, bambina,

la sua mano stretta nella mia,

andavamo, pian pianino,

lungo il litorale;

poi, lasciandomi,

mi mandava un bacio.

Mi ha riscaldato il cuore

quando a vent’anni,

si è sposata nella chiesa del convento

e dopo il pranzo e il ballo,

prima di scappare per andare a cambiarsi d’abito,

si è volta verso di me

e mi ha mandato un bacio.

Mi riscalda il cuore

anche ora,

ed ha settant’anni già compiuti

quando accarezza il mio nome

scolpito nel marmo che mi ricopre;

cambia i fiori, dice alcune preci,

si fa il segno della croce

e mi manda un bacio.