E FIUNDURE di Costanza Modena

In autru belu giögu, da fiöi,

u l’eira andà a sercà in tu mezu ai scöi,

ai maixei derucai, de prie runde

da lansà, chì e là, cu’ e nostre fiunde.

A l’amu cumensau a fiundurà

i dui fümèi du veixin de cà:

chi u centrava u l’eira in gran campiun

e chi u nu gh’aresciva, in belinun.

A in sertu puntu, a facia incarugnìa,

a l’è arivà a veixina cu’ ina pria

e in s-ciapu rutu in man. Forte a criava,

che fina da a Madona a se sentiva!

Chelu giurnu a l’aixeva de parenti:

pe’ unurari e fari ciü cuntenti

u desnà a l’aixeva preparau

sute a sò tompia, belu aparejau,

cun u servissiu bon de purselana

e i goti de cristalu fai a campana…

Chele prie ch’i vurava cume uixeli

i han faitu u ciü grossi di maixeli.

U castigu u n’ha propiu sistemau,

ascì pe l’avegnì u n’ha cundanau:

via e fiundure, guai se i n’aciapava

cun ina pria in man! I n’amassava!

Costanza Modena – Dialetto di Sanremo

LE FIONDE

Un altro gioco bello, da ragazzi,

era quello di andare a cercare in mezzo agli scogli (del torrente),

ai muri franati, delle pietre rotonde

da tirare qui e là con le nostre fionde.

Abbiamo cominciato a tirare pietre

ai due fumaioli del vicino di casa:

chi li centrava era un gran campione

e chi non ci riusciva, uno scemo.

A un certo punto, con la faccia incarognita,

è arrivata la vicina con una pietra

e un piatto rotto in mano. Gridava forte,

che si sentiva fino alla Madonna della Costa!

Quel giorno aveva (ospiti) dei parenti:

per onorarli e farli più contenti

aveva preparato il tavolo

sotto il pergolato, ben apparecchiato,

con il servizio buono di porcellana

e i bicchieri di cristallo fatti a campana…

Quelle pietre che volavano come uccelli

hanno fatto il più grande dei macelli.

Il castigo ci ha proprio sistemato,

anche per l’avvenire ci ha condannato:

via le fionde, guai se ci vedevano

con una pietra in mano! Ci ammazzavano (di botte)!