ÇINQUE TÆRE di Renzo Ferrero

No, no ghe son mai stæto.

Solo  ghe  son  passòu  fûgacemente,

coscì,  d' asbrìo,  cö  treno

ammiando in sa e là  da-i barconetti.

In  zû  tonalitæ  de  bleu do çê e do  mâ

e  quelle  onde  frante  contro i scheuggi

co-e  nûvie de sc-ciûmma  gianca, maestose.

In  sciû  n' esploxon  de  colori

de  boschi,  de  case,  de  fiori

comme  i  riflessi  de 'n diamante a-o sô

e  là  in  lontanansa

righe  nette  de  mûage  a  secco

ch' o  pâ  'n  spartìo  de  mûxica

sospeiso  tra  o  çê  e-o  mâ.

No,  no  ghe  son  mai  stæto

ma  passâghe  coscì,  velocemente,

l'è  comme  leze  'na  poexïa de sprescia

sensa  capîghe  ninte.

Coscì devo  tornâghe  a  pê

pe  vedde  da  vixin,  parlâ  co-a gente,

veddîli  pescâ,  beive  o  sò  vin,

e  gûstâ  coscì  questa  poexïa

comme  se  deve  fâ  co-e cöse  belle:

delicatamente...

Renzo Ferrero – Dialetto di Genova

CINQUE  TERRE

No !  Non  ci  sono  mai  stato.

Solo  ci  sono  passato  fugacemente, 

così  di  fretta,  col  treno, 

guardando  qua  e  là  dai  finestrini. 

In  giù  azzurro  e  blu  di  cielo  e  mare 

e  quelle  onde  frante  contro  gli  scogli 

con  nuvole di schiuma bianca, maestose.

In  sù  un' esplosione  di  colori

di  boschi,  di  case  di  fiori 

come  i  riflessi  di un diamante al sole 

e  là  in  lontananza  

righe   pulite    di  muretti  a  secco 

che  sembrano uno spartito di musica 

sospeso  tra  cielo  e  mare.

No!  Non  ci  sono  mai  stato 

ma  passarci  così  velocemente 

è  come  leggere  una  poesia di premura 

senza  capirci  niente.

Così  devo  tornarci  a  piedi 

per  vedere da vicino, parlare con la gente, 

vederli  pescare,  bere  il  loro  vino 

e  gustare  così  questa  poesia 

come  si  deve  fare  con le cose belle: 

delicatamente.