sabato 19 novembre 2016

A TÈRA di Mario Saredi


A tèra
a nu l’ha mai refüàu
ren.
Cavali, omi auxeli,
candu i l’han caicòusa
de ciü,
scie aigùsu che intrègu,
i u lascia carà in tèra.
Aiscì vedri, öriu e sà,
a s’i piglia, candu i dixe
ch’u porta mà.
Se l’è ina sciura
a s’a strégne
cume in figliö pecìn
pe’ date, pöi,
i curui e i audui
ciü bèli.
Balui, curse, sgiati,
àiga, fürmini e gragnöra,
a se piglia tütu.
Fina a l’ürtimu,
candu nu ne puremu ciü,
a ne acèta aiscì nui
che l’avemu de longu pistà
cu’i pèi
e tüte e mene de röe.



Mario Saredi – Dialetto di Camporosso


LA TERRA

La terra
non ha mai rifiutato
niente.
Cavalli, uomini, uccelli,
quando hanno qualcosa
in più,
sia liquido che solido,
lo lasciano cadere in terra.
Anche vetri, olio e sale
se li tiene, anche se dicono
che porta male.
Se è un fiore
se lo stringe
come un bambino piccolo
per darti, poi,
i colori e i profumi
più belli.
Palloni, gare e ruzzoloni,
acqua, fulmini e grandine,
prende tutto.
Fino all’ultimo,
quando non ne possiamo più,
accetta pure noi
che l’abbiamo sempre pestata
coi piedi
e tutte le specie di ruote.

Nessun commento: