Int’u spàiřu sprandù d’a lüna,
l’apa’ in’afrùsa vixùn da turméntu:
in murru desfegüràu dai ciavéli;
barbixi agrumài de sbrùgliu.
Ina culana de téste d’àgliu
a pénde da in còlu arréperìu.
Föglie d’auribàga intreixàe
i l’incuruna ina süca péřà.
Rànteghi tachignusi de catàru,
i stunduna in corpu scheletrìu
che, inzenugliàu int’in trögliu,
u raspa cu’i dì insanghénài,
arrecampàndu manàe de pàuta
da pegàsse sciü e ciaghe d’a pele
ch’i ghe brüxa cum’i fusse tissùi.
Fite penùse i ghe turmenta a carne,
scciupàndu int’u çervelu in angunìa. U ciagne; ma u nu’ l’à ciü làgrime.
U cria; ma u nu’ l’à ciü vuxe.
U l’anscia; ma gh’amanca l’arén…
uramai a l’è propiu fenìa…
Cu’in ürtimu sforsu u s’aissa,
çercàndu a lüna cun ögli sténti.
Pe’ in mumentu… in increde…
l’increde d’ina lüxe int’a négia.
Pöi… noma in véřu negru…
noma u véřu negru d’a morte…
Roberto Rovelli – Dialetto de La Mortola
LA LUNA E LA MORTE
Nel pallido chiarore della luna,
appare una tenebrosa visione da incubo:
un muso disfigurato dai foruncoli;
baffi incrostati di muco.
Una collana di teste d’aglio
pende da un collo raggrinzito.
Foglie d’alloro intrecciate
incoronano una testa calva.
Rantoli appiccicosi di catarro,
scuotono un corpo scheletrico
che, inginocchiato in un trogolo,
raspa con le dita insanguinate,
raccattando manciate di fango
da spalmarsi sulle piaghe della pelle
che gli bruciano come fossero tizzoni.
Fitte dolorose gli tormentano la carne,
esplodendo nel cervello in agonia.
Piange; ma non ha più lacrime.
Grida; ma non ha più voce.
Ansima; ma non ha più fiato…
oramai è proprio finita…
Con un ultimo sforzo si alza,
cercando la luna con occhi spenti.
Per un momento… un’illusione…
l’illusione di una luce nella foschia.
Poi… soltanto un velo nero…
soltanto il velo nero della morte…
Nessun commento:
Posta un commento