SPERANSA DE PRIMAVERA di Dino Ardoino

Tremèndi ürtimi giurni de zenà

du milenövesèntuötantaséi:

àiga u n’è carau tanta che i maixéi

pe’ a ciü parte i finiva cuu scunscià.

E neve a brétiu. Canti bèli avéi

i sun restai cua sima capunà

percòuse u vèntu u ghe l’ha fa struscià

e avùra i pan sagàte. Se i vuréi

vié cume sta ragia da natüra

a s’è sfugà, andai sute Bignun:

là und’u gh’éira d’estae chela frescüra

sciumbra du boscu, ina gran destrüssiun

i truveréi! Ma in tüta sta brütüra,

daa bona tèrra – ascàixi d’aciatùn –

fra e föje passe i spunta, verdurin

e téneri, za i böti d’àutri pin.

Dino Ardoino – Dialetto di Sanremo

SPERANZA DI PRIMAVERA

Tremendi ultimi giorni di gennaio

del millenovecentottansei:

acqua n’è scesa tanta che i muretti

per la più parte finivano per franare.

E neve e iosa. Quanti begli abeti

son rimasti con la cima capitozzata

poiché il vento gliel’ha fatta spezzare

e ora sembrano pertiche. Se volete

vedere come codesta rabbia della natura

s’è sfogata, andate sotto Bignone:

là ove c’era d’estate quella frescura

ombrosa del bosco, una gran distruzione

troverete! Ma in tutta questa bruttura,

dalla buona terra – quasi di nascosto –

tra le foglie secche spuntano, verdolini

e teneri, già i germogli d’altri pini.