A DONNA CO-I STIVÆ di Angelo De Ferrari

Bugæ appeise
drappi
e a gaggia de l'öxello,
in gïo
o remescio do caroggio
o borboggio
pe un can sciätagallinn-e,
e lampadinn-e
açeise inte veddrinn-e
basse che pan barcoin,
l'ödô do frisciolâ
'nna scäa
arrampinâ verso o lummin
segnòu da 'nna tägnâ,
de stæ
sempre i stivæ
de gomma
che se méttan quande ceuve;
un metro de caroggio
tutto seu,
i euggi in caccia,
a faccia
che a pâ fæta de tanto
e sòlite paròlle che nisciun
capisce ciù.
Pâ ch'a l'affonde
un pittinin ògni giorno
antiga chiggia
scamorâ
'nna seia
'nn'ätra ancon
e lê a continua à navegâ
sotta o lampion
sensa sperâ...
pòi comensià o bæxin
à affiâ o caroggio,
sciortià o barban
à luâ tra e muäge sgreuzze
comme un can,
à ræpontâ de zëo
'nna piccaggetta...
Chi sa mai
quande
a saià stæta figgetta...

Angelo De Ferrari - Dialetto Di Genova

LA DONNA CON GLI STIVALI

Bucati appesi

panni

e la gabbia dell'uccello,

intorno

la confusione del vicolo

il borbottio

per un cane arruffone,

le lampadine

accese nelle vetrine

basse che sembrano finestre

l'odore del friggitore

una scala

arrampicata verso il lumino

segnato da una ragnatela,

d'estate

sempre gli stivali

di gomma

che si mettono quando piove;

un metro di vicolo

tutto suo

gli occhi in caccia

la faccia

che sembra fatta da tanto

le solite parole che nessuno

capisce più.

Sembra che affondi

un po' più ogni giorno

antica chiglia

sbreccata

una sera...

e un'altra ancora

e lei continua a navigare

sotto il lampione

senza sperare...

poi comincerà il piovigginio

ad affilare il vicolo

uscirà il babau

ad ululare tra i muri rozzi

come un cane,

a rammendare di gelo

uno strofinaccio...

chissà mai

quando

sarà stata bambina...