SOTT'À L'ANGIÒU di Guido Nilsen

Unna luxe de lampara in sciô mâ
e o sunnâ de'nna chitära,
unna voxe appascionâ
che a canta de'n amô,
de'n amô ch'o l'è passòu
e ch'o no peu ciù ritornâ.
De'n amô ch'o pâ ascordòu,
ma ch'o röde ancon o cheu.
Cöse serve mai cantâ
sott'a-a vigna de'n angiòu
accompagnòu da'nna chitära?
T'ai 'nna dònna...
a se n'è andæta?
Cöse impòrta...aggi paçiensa:
t'ai 'nna dònna,
aoa t'ê sensa.
Ma a vitta, sempre quella,
pöco à pöco a recomensa.
Ma a l'ëa zoena, ma a l'ëa bella!
Cöse impòrta, a se n'è andæta...
I pescoei son in sciâ cæta,
e feua da luxe da lampara
o pâ inciòstro, òua, o mâ.
Cöse serve mai cantâ
accompagnòu da 'nna chitära...
cöse serve mai cantâ?

Guido Nilsen (1893 - 1964) - Dialetto di Genova

SOTTO LA PERGOLA

Una luce di lampara sul mare

e il suono di una chitarra,

una voce appassionata

che canta d'un amore,

d'un amore che è passato,

e che non può più tornare.

D'un amore che sembra dimenticato,

ma che rode ancora il cuore.

A che serve cantare

sotto la vigna d'un pergolato

accompagnati da una chitarra?

Avevi una donna…

se n'è andata?

Che importa...abbi pazienza:

avevi una donna,

ora non più.

Ma la vita, sempre quella,

a poco a poco ricomincia.

Ma era giovane, era bella!

Che importa, se n'è andata...

i pescatori sono in rada,

e a parte la luce della lampara

ora il mare sembra inchiostro.

A che mai serve cantare

accompagnati da una chitarra...

a che mai serve cantare?