REGORDANDU RUBINO di Maria Ros

U l’è stau in grand’omu 
pé arte, pé cultüra e pé pasciùn,
pàire d’ina pitüra futurista 
u l’ha faitu ina grossa rivolussiùn 
i so füméti i l’han divertìu 
pareje generassi.
U l’eira forsci grossu e àutu dui metri?
O u l’eira in tipu magrulìn 
u l’aixéva barba e mustacéti 
o u purtava buéta e bachetin.
Dunde u sarà avù, insc’ina gnivuréta,
o in tu Paradisu cu u Segnù,
o insc’ina stéla bèla cume ina Cuméta 
o insc’e l’Ursa Magiù.
De següru u l’è int’in postu 
asseme ai ciü grosci serveli 
dau Dante a l’Ariosto, 
dau Galileu au Gioto,
gente che i l’han daitu au mundu e so invensiui.
U l’ha avüu ina bona parte u Rubin
int’a storia Matussiana 
cu i persunagi du Curierìn e i so libri 
u s’eira faitu ina bona fama, 
artista fantasiuusu, 
graficu vulcanicu e estruusu.
A so fa pòucu mi in cunfruntu a Antò 
a me arte a l’è delongu ciü pecina 
ma a sun s-ceta e genuina 
e a dagu a tüti cos’a l’ho int’u cö. 
A speru in giurnu 
d’arrivà fina mi int’e stu postu 
dunde u gh’è élu ascì
alantura, aspéitame Antò 
ch’a vegnu fina mì!


Maria Ros - Dialetto di Sanremo


RICORDANDO RUBINO
E’ stato un grande uomo 
per arte, per cultura e pe passione, 
padre di una pittura futurista 
ha fatto una grande rivoluzione, 
i suoi fumetti hanno divertito 
parecchie genrazioni.
Era forse grosso e alto due metri? 
O era un tipo magrolino, 
aveva barba e baffetti 
o portava cappello duro e bastoncino.
Dove sarà ora, su di una nuvoletta 
o in Paradiso col Signore 
su una stella bella come una Cometa 
o sull’Orsa Maggiore.
Di sicuro è in un posto 
assieme ai più grandi cervelloni 
da Dante all’Ariosto 
a Galileo a Giotto 
persone che hanno dato al mondo le loro invenzioni.
Ha avuto una buona parte il Rubino 
nella storia Matuziana 
con i personaggi del Corrierino e i suoi libri 
s’era fatto una buona fama, 
artista fantasioso grafico vulcanico ed estroso.

Io so fare poco 
in confronto a Antò 
la mia arte è molto più piccina 
ma sono schietta e genuina 
e dono a tutti ciò che ho nel cuore. 
Spero un giorno di raggiungere quel posto 
dove lui c’è già 
allora, aspettami Antò 
che vengo anch’io, là!