sabato 21 febbraio 2015

A SNÖITURA A PASSA di Costanza Modena



Serte nöti u sonu u se fa aspeità,
i soi i pan cresciüi a desmesüra,
a testa a va in serca de aregordi,
de gardi, de vuixi che i nu turna ciü.
U l’è alura che a snöitura a passa,
sbatendu l’aria cu e so are grandi,
lansandu u so versu lamentuusu
ch’u pà in penissu de chi u sta mà…
U me ven in mente che me nona,
cande a sentiva a snöitura veixina,
a me ripeteva u so veju ditu:
“Cande a snöitura ti senti cantà,
zunzi e mae e cumensa a pregà”.
Chi u sa cante vote ste parole
i sun stae ripetüe e canta gente
a s’è faita u segnu da Cruuxe…
Poveru üixelu, che brüta numea
ti hai de longu avüu, sensa corpa!
A sun següra che ti nu porti mà, però
se propriu u te va de cantà,
và a pousate veixin a in’autra cà.


Costanza Modena – Dialetto di Sanremo


LA CIVETTA PASSA 

Certe notti il sonno si fa aspettare,
i suoni sembrano cresciuti a dismisura,
la mente va in cerca di ricordi,
di sguardi, di voci che non tornano più.
E’ in quel momento che la civetta passa,
sbattendo l’aria con le sue ali grandi,
lanciando il suo verso lamentoso
che sembra il gemito di chi sta male…
Ricordo che mia nonna,
quando sentiva la civetta vicina,
mi ripeteva il suo vecchio detto:
“Quando la civetta senti cantare
giungi le mani e inizia a pregare”.
Chissà quante volte queste parole
sono state ripetute e quanta gente
s’è fatta il segno della Croce…
Povero uccello, che brutta nomea
hai sempre avuto, senza colpa!
Sono sicura che non porti sfortuna, però
se proprio ti va di cantare,
vai a posarti vicino ad un’altra casa.

Nessun commento: