O bollezzumme da giornâ ch'a meue
fæta seia o s'aqueta lentamente.
In sce l'abbrivo, co-e veie ammainæ,
verso l'ormezzo se dirizze a barca:
taxe de proa o barbottâ da scciumma,
l'ægua a baxa o fasciamme che d'asbrìo
a l'à visto e lasciòu pe tutto o giorno.
Drento a-e tò brasse sospiose e veue,
feua di remoin, feua do fî da corrente,
m'assosto con e remme desarmæ:
o cheu a-o ciæo de lunn-a o se desbarca
in sciâ riva, cianin comme 'nna ciumma
ch'a treuva inti tò euggi ancon o nïo
dovv'a se pösa stanca a-o sò ritorno.
Sandro Patrone – Dialetto di Genova
FUORI DELLA CORRENTE
La maretta del giorno che muore
fattasi sera si acqueta lentamente.
Sull'abbrivio, con le vele ammainate,
la barca si dirige verso l'ormeggio:
tace di prua il borbottare della schiuma,
l'acqua bacia il fasciame che con forza
ha visto e lasciato per tutto il giorno.
Nelle tue braccia sospirose e vuote,
fuori dai gorghi, fuori della corrente,
mi riparo con i remi in disarmo:
il cuore al chiar di luna sbarca
sulla riva, piano come una piuma
che trova nei tuoi occhi ancora il nido
dove si riposa stanca al suo ritorno.
Nessun commento:
Posta un commento