Gozzi liguri sulla spiaggia di Loano - 1910
Pùssan i remmi in te l’ægua
pe’ fâ scurrî a chìggia du gussu,
a puppa se lascia in-a scïa:
òua a se vedde, òua a se perde.
Chi vöga de spalla, settôu in sciü bancu,
chi vöga de scïa, in pë in scï paggiêu,
a vitta a l’è inn-a vûgâ, se ceighe a schen-a
e scrùscian i streppi in ti scarmi.
L’ommu u l’è fætu de carne e de osse,
de spirtu, çervellu e in po’ de mestë
e quæ de stâ a-u mundu cun serenitæ
pe’ vivila tûtta, au mëgiu, ‘sta vitta,
piggiându u mâ cun u drïtu de prua,
faxèndu attenziun a-i bucalètti de costa,
nu serve a ogni custu curî in-a regäta
ma mai tiâ sciù e remme, in sciä barca!
In rammu de oivu ligôu in sciä pernàccia,
in pämitu a puppa sutta a-u carabuttin,
u læzu streitu e ben averti i êuggi
pe navegâ e nu finî inti schêuggi.
Pùssan i remmi in te l’ægua
e scrùscian i streppi in ti scarmi.
Domenico Gavarone – Dialetto di Varazze
Affondano i remi nell’acqua
per fare scorrere la chiglia del gozzo,
a poppa si lascia una scia:
ora si vede, ora si perde.
Chi voga di spalla, seduto sulla panca,
chi voga di scia, in piedi sui paglioli,
la vita è una vogata, si piega la schiena
e scricchiolano gli strappi negli scalmi.
L’uomo è fatto di carne e di ossa,
di spirito, cervello e un po’ di mestiere
e voglia di stare al mondo con serenità
per viverla tutta, al meglio, questa vita,
prendendo il mare con il dritto di prora,
facendo attenzione alle piccole onde di lato,
non serve ad ogni costo fare una gara
ma mai tirare su i remi, sulla barca!
Un ramo di ulivo legato sulla pernaccia,
un palamito a poppa sotto il banco,
il lezzo stretto e ben aperti gli occhi,
per navigare e non finire negli scogli.
Affondano i remi nell’acqua
e scricchiolano gli strappi negli scalmi
Nessun commento:
Posta un commento