O çê o l'è fondo comme unn'ægua ciæa,
l'äia da-i monti a tïa ponzente e finn-a,
e a-o sciuscio fresco da tramontaninn-a
sciuga i drappi desteisi in mëzo à l'æa.
E feugge a-o sô lùxan che pan de sæa;
inti fossoei tra e canne aggueita a prinn-a,
e dòppo o cädo e a sessia settembrinn-a
torna allegra à corrî l'ægua inta giæa.
S'accurtisce e giornæ; cazze e castagne;
e e feugge, comme i giorni, sensa fô
xeuan via pe l'äia, unn-a e l'ätra appreuvo:
e pe-i bòschi, pe-i bricchi e pe-e campagne
da ògni casa montâ sento un ödô
de mei, de fonzo, e de vin gianco neuvo.
Alfredo Gismondi – Dialetto di Genova
AUTUNNO IN POLCEVERA
Il cielo è profondo come un'acqua chiara
l'aria dai monti tira pungente e fine
e al soffio fresco della tramontana
asciugano i panni stesi in mezzo all'aia.
Le foglie al sole brillano come seta,
nei torrenti tra le canne fa capolino la brina
e, dopo il caldo e la siccità di settembre
torna allegra a correre l'acqua nel greto.
Si accorciano le giornate; cadono le castagne;
e le foglie, come i giorni, senza rumore
volano via per l'aria, una dopo l'altra:
e nei boschi, sulle colline e nelle campagne
da ogni casa sento salire un odore
di mele, di fungo, e di vino bianco nuovo.
Nessun commento:
Posta un commento