ÖRIU OIRU di Alberto Politi

L’öriu u l’à u curù de

l’oiru

cande u te cure inta canareza

cen de salüte.

E aurive bele negre e runde

dopu esse stae sciacae da ‘e röde pria gianca,

i te dan u primu ruju

c’u l’è ascaixi verdu,

pœi u pia u curù d’u su,

u pa’ d’oiru

e candu u t’ariva intu petassu

u te fa’ rinasce,

a te cara növa zuventü

fina in te unge d’i pei.

Öriu növu

növa vita,

p’a nostra esistenza marìa.

Öriu oiru

cadò da nostra tèrra

beneixìa!

Alberto Politi - Dialetto di Ospedaletti

  

OLIO ORO

L’olio ha il colore dello

oro

quando ti scende nell’esofago

pieno di salute.

Le olive belle nere e rotonde

dopo essere state schiacciate dalle ruote

di pietra bianca,

ti danno il primo rivolo

ch’è quasi verde,

poi prende il colore del sole,

sembra d’oro

e quando ti arriva nello stomaco

ti fa rinascere,

ti scende nuova gioventù

fino alle unghie dei piedi.

Olio nuovo

nuova vita,

per la nostra esistenza misera.

Olio oro

regalo della nostra terra

benedetta!