Che bello vedde o mâ franze in scio schêuggio
sensa stancâte ti l’amï quarche ôa
e so pegoëtte i te impan l’êuggio
u so sarmâxo o te risann-a a gôa.
Ricördo da figgiêu, alloa eivimo matti,
crieivimo se a moæ a ne vöieiva lavâ
gh’aveivimo puïa de l’ægua comme i gatti
ma a-a mainn-a non ne basteiva o mâ.
Sâteivimo dentro l’onda comme sata o baggio
sciurtivimo ciû in là sensa avei danni.
L’êa tanto bello ma no l’êa coraggio
l’êa solo l’incosciensa di chinzanni.
Öua son veggio e quando o mâ o l’è grösso
staggo a vedde e onde, lazzû in lontananza;
me despiaxe ma bollâme ciû no pösso,
me bagno in pë in ta scciûmma; e ghe n’avansa.
Francesco Occhiuzzo – Dialetto di Chiavari
IL MARE GROSSO
Che bello vedere il mare sbattere sullo scoglio
senza stancarti lo sguardo per qualche ora
le sue pecorelle ti riempiono l’occhio
il suo salmastro ti risana la gola.
Ricordo da ragazzi, allora eravamo tutti matti,
gridavamo se la mamma ci voleva lavare
avevamo paura dell’acqua come i gatti
ma alla spiaggia non ci bastava il mare.
Saltavamo dentro l’onda come salta un rospo
uscivamo più in là senza aver danni
era tanto bello ma non era coraggio
era solo l’incoscienza dei quindici anni.
Ora son vecchio e quando il mare è grosso
guardo le onde, laggiù in lontananza;
mi dispiace ma tuffarmi non posso
mi bagno i piedi nella spuma e ne avanza.
Nessun commento:
Posta un commento