TRAMONTO IN SCIÖ MÂ di Bruno Minardi

Quando o sô o va a dormî

no finze,

asciuga e mæ lagrime

tì che no ti me veu vedde cianze.

Resta insemme a mì

mentre a giornâ a tïa i so ûrtimi bâgi,

no scordäte se ‘sto momento

oua che semmo unii in sciä sabbia cäda d’amô.

Intanto o remescio da resacca,

pâ ch’o ne ciamme e o ne vêugge rebellâ,

lazzù verso l’orizzonte

donde nêutte e giorno se baxan

in te’n punto ch’o someggia a l’infinïo.

Pe’ tî che t’è a mæ speranza,

l’amô d’anchêu e de doman,

te prego, no andâ via,

no perdite in to vêuo

‘sto grande momento de feliçitæ e de poexia.

Bruno Minardi – dialetto di Genova

TRAMONTO SUL MARE

Quando il sole va a dormire

non fingere,

asciuga le mie lacrime

tu che non mi vuoi veder piangere.

Rimani insieme a me

mentre la giornata emana i suoi sbadigli,

non dimenticarti di questo momento

adesso che siamo uniti sulla sabbia calda d’amore.

Intanto il rumore della risacca,

sembra che ci chiami e ci voglia trascinare

laggiù verso l’orizzonte

dove giorno enotte si baciano

in un punto che somiglia all’infinito.

Per te che sei la mia speranza,

l’amore di oggi e di domani,

ti prego, non andare via,

non perderti nel vuoto

questo grande momento di felicità e poesia.